Presidenti merr propozimin per emerimin e Edi Rama si Kryeminister

Koalicioni “Aleanca për Shqipërinë Europiane” i ka propozuar Presidentit, Bujar Nishanit emrin e Edi Rama në postin e Kryeministrit.
“Mbështetur në nenin 96, pika 1 të Kushtetutës së Republikës së Shqipërisë, kryetari i Partisë Socialiste, Lëvizjes Socialiste për Integrim dhe Partisë Bashkimi për të Drejtat e Njeriut, i janë drejtuar Presidentit Bujar Nishani me një kërkesë në emër të koalicionit “Aleanca për Shqipërinë Europiane” me anë të së cilës kanë propozuar  emërimin e zotit Edi Rama si Kryeministër të Republikës”, thuhet në njoftimin për shtyp të vënë në dispozicion për mediat nga zyra e shtypit pranë Presidencës.