Presidentja Jahjaga mund të japë dorëheqjen në shtator

Presidentja Atifete Jahjaga do të largohet menjëherë pas fuqizimit të ndryshimeve kushtetuese, të cilat parashikojnë zgjedhjen e kreut të vendit drejtpërsëdrejti nga vota e qytetarëve.

Theksohet se Jahjagës do t`i ofrohej një post ministror si “kompensim” për lëshimin e postit presidencial.
 

Analistët kosovarë mendojnë se nuk mund të parashikohet nëse do të ndodhë diçka e tillë.

Megjithatë, sipas tyre, ka mundësi që të ndodhë për shkak se presidentja nuk mund të jetë në gjendje të përballojë presionin e madh nga të gjitha anët për t`u larguar dhe për të respektuar marrëveshjen ndërmjet liderëve dhe Rezolutën e Kuvendit.