Prifti: Opozita po kërkon të nxijë realitetin

Opozita duhet të heqë dorë nga misioni i saj për nxirë realitetin e Shqipërisë pasi nuk është kjo rruga për të ardhur në pushtet. Kështu është shprehur ministri i Ekonomisë, Tregtisw dhe Energjitikës Dritan Prifti në mbledhjen e Komitetit Drejtues Kombëtar të LSI-së. Sipas tij kryetari i PS-së Edi Ram po nxin shifrat ekonomike të vendit pa pasur arsimin përkatës për ekonominë duke shtuar se Shqipëria është i vetmi vend i cili ka pasur një rritje ekonomike prej 3.5 përqind.
Prifti gjithashtu duke bërë një rezume të rritje ekonomike në vend theksoi se në vitin 2010 parashikohet ulja e taksave dhe janë rritur investimet e huaja në vend.
Ndërkohë Prifti theksoi se LSI-ja në kontributin që jep në qeverisje do të realizojë të gjitha objektivat që ajo i paraqiti në programin e saj elektoral.