Pritja mori fund, Broja shënon në Premier League

Më në fund vjen goli i parë sezonal në Premier League me fanellën e Burnley. Armando Broja ka qenë protagonist për skuadrën e tij në transfertën kundër Bournemouthit, pasi ka shënuar golin e barazimit për Burnley në minutën e fundit të kohës së rregullt.

Sulmuesi shqiptar u fut në lojë në minutën e 65-të dhe gjeti golin e parë sezonal në kampionat pas 11 aktivizimesh në kampionatin anglez.

Ndeshja përfundoi në barazim 1-1 me Brojën vendimtar, që i dha një pikë të çmuar skuadrës së tij në transfertë. Duket se sulmuesi shqiptar po rigjen formën e tij optimale dhe nëse vazhdon me këto paraqitje golat nuk do të mungojnë.