Pronaret, skeme e re kompensimi Rozeta Rapushi

Pronaret, tokat e te cileve jane zene nga ndertimet e paligjshme, do te kene procedura te reja, se si te perfitojne kompensimin per token e zene. Qeveria miratoi dje vendimin e plote, ku percakton menyren e kompensimit te pronareve te pasurive te paluajtshme, qe preken nga ndertimet e paligjshme. Sipas ketij vendimi, sapo Agjencia e Kthimit dhe Kompensimit te Pronave (AKKP), do te beje publike listen e personave qe perfitojne nga fondi i kompensimit te pronave, pronaret e ligjshem mund te regjistrohen per te marre kompensimin e tyre. Procesi i regjistrimit nga ana e pronareve, nis menjehere pese dite pas shpalljes se njoftimit. Me urdher te drejtorit te Pergjithshem te AKKP-se ngrihet grupi i punes per pranimin e shqyrtimin e kerkesave, me objekt shperblimin e pronareve te pasurive te paluajtshme, prone private, qe preken nga ndertimet informale dhe shperndarjen e fondit perkates. Kompensimi sipas vendimit te djeshem, behet ne masen e percaktuar ne vendimin e Keshillit te Ministrave, ku parashikohet shperblimi i pronareve te pasurive te paluajtshme, prone private, qe preken nga ndertimet informale. Menjehere pas marrjes se njoftimit, pronaret e ligjshem, do te depozitojne nje sere dokumentesh ne Agjencine e Pronave. Nder to, duhet te jene kerkesa per kompensimin e prones sipas formatit tip, deshmia e trashegimise per te gjithe trashegimtaret e ligjshem te subjektit perfitues, sipas radhes se trashegimtareve, ne perputhje me percaktimet e Kodit Civil. Per deshmite e trashegimive te leshuara nga gjykata per testamentin e bere me akt noterial te sillet certifikate familjare e personit, per te cilin eshte leshuar kjo deshmi trashegimie. Po keshtu edhe prokuren e posacme, te nenshkruar nga te gjitha subjektet qe perfitojne kompensim, ku si tager i nevojshem te jete edhe e drejta per te terhequr vleren financiare, ne emer te tyre. Me pas pasi AKKP, ben verifikimet dhe vleresimet, ben publike listen e atyre qe do te perfitojne kompensim.

Vendimi
Qeveria miratoi dje vendimin per kompensimin e te gjithe atyre pronareve, prona e te cileve preket nga ndertimet informate. Gazeta "Koha Jone", boton te plota procedurat per marrjen e kompensimit te ketyre pronave.

Procedurat per kthimin e pronave

1. Agjencia e Kthimit dhe Kompensimit te Pronave (ne vijim AKKP), njofton publikisht ne media dhe/ose nepermjet faqes se vet zyrtare, listen e personave qe perfitojne nga fondi i kompensimit te pronave, per periudhen perkatese.
2. Ne njoftimin publik duhet te percaktohen:
a) gjeneralitetet e perfituesit;
b) periudha kohore e paraqitjes se kerkeses;
c) dokumentacioni i nevojshem shoqerues i kerkeses;
c) vlera e tarifes se sherbimit;
d) detyrimi per subjektet perfituese per te hapur, ne emer dhe per llogari te tyre, nje llogari bankare ne njeren nga bankat e nivelit te dyte.
3. Procesi i regjistrimit/pranimit te kerkesave per kompensim fillon 5 (pese) dite pas dates se njoftimit publik dhe vazhdon per 30 (tridhjete) dite.
4. Me urdher te drejtorit te Pergjithshem te AKKP-se ngrihet grupi i punes per pranimin e shqyrtimin e kerkesave, me objekt shperblimin e pronareve te pasurive te paluajtshme, prone private, qe preken nga ndertimet informale, dhe shperndarjen e fondit perkates.
5. Kjo procedure kryhet per cdo fond qe i kalon AKKP-se sipas ligjit nr.10239, date 25.2.2010, "Per krijimin e fondit special te kompensimit te pronave", dhe ne zbatim te vendimeve te Keshillit te Ministrave, ku percaktohet shperblimi i pronareve te pasurive te paluajtshme, prone private, qe preken nga ndertimet informale. Kompensimi behet ne masen e percaktuar ne vendimin e Keshillit te Ministrave, ku parashikohet shperblimi i pronareve te pasurive te paluajtshme, prone private, qe preken nga ndertimet informale.
6. Subjekti apo perfaqesuesi me prokure i tij, brenda afatit te percaktuar ne njoftimin publik, paraqet prane zyres se AKKP-se, dokumentacionin e meposhtem:
a) Kerkesen per kompensimin e prones sipas formatit tip, bashkelidhur ketij vendimi;
b) Deshmine e trashegimise per te gjithe trashegimtaret e ligjshem te subjektit perfitues, sipas radhes se trashegimtareve, ne perputhje me percaktimet e Kodit Civil. Per deshmite e trashegimive te leshuara nga gjykata per testamentin e bere me akt noterial te sillet certifikate familjare e personit, per te cilin eshte leshuar kjo deshmi trashegimie;
c) Prokuren e posacme, te nenshkruar nga te gjitha subjektet qe perfitojne kompensim, ku si tager i nevojshem te jete edhe e drejta per te terhequr vleren financiare, ne emer te tyre;
c) Vertetimin e leshuar nga banka e nivelit te dyte per hapjen e llogarise bankare ne emer dhe per llogari te subjektit perfitues, ku percaktohet edhe numri i llogarise bankare ku do te transferohet vlera financiare e perfituar;
d) Fotokopjen e dokumentit te identifikimit, si dhe certifikaten familjare te kerkuesit;
dh) Mandatpagesen, qe verteton pagimin e tarifes se sherbimit.
7. AKKP-ja bashkepunon me ALUIZNI-in dhe zyrat vendore te regjistrimit te pasurive te paluajtshme per verifikimin e konfirmimin e te dhenave per subjektet perfituese.
8. Grupi i punes, sipas pikes 4, te ketij vendimi, brenda 45 (dyzet e pese) diteve nga perfundimi i afatit per paraqitjen e kerkeses per kompensimin e prones, kryen veprimet e meposhtme:
a) Verifikon legjitimimin e kerkuesit per cdo kerkese per kompensimin e prones;
b) Kontrollon dokumentacionin e paraqitur nga subjekti perfitues;
c) Konfirmon te dhena te tjera te nevojshme prane institucioneve perkatese;
c) Harton relacionin, ne te cilin i propozon drejtorit te Pergjithshem kalimin e shumes ne numrin e llogarise bankare perkatese;
d) Harton listen e subjekteve qe kompensohen.
9. Drejtori i Pergjithshem i AKKP-se, ne perfundim te procesit te verifikimit nga grupi i punes,:
a) nxjerr vendimin per miratimin e listes se subjekteve qe kompensohen, ku percaktohet edhe numri i llogarise bankare ku do te derdhet vlera e kompensimit;
b) urdheron publikimin e listes se subjekteve qe kompensohen;
c) njofton kerkuesin, qe nuk perfshihet ne listen e subjekteve qe kompensohen, duke percaktuar arsyet e mosperfshirjes.
10. AKKP-ja kryen veprimet me degen e thesarit dhe banken e nivelit te dyte per derdhjen e shumes ne depoziten bankare, te hapur per kete qellim nga subjekti perfitues, ne perputhje me procedurat e percaktuara ne legjislacionin ne fuqi per kryerjen e pagesave nga buxheti i shtetit.
11. Me hyrjen ne fuqi te ketij vendimi, AKKP-ja realizon ndarjen e fondit aktual te kompensimit te pronave ne vlere proporcionale me masen perkatese te parashikuar ne listat bashkelidhur vendimeve, te miratuara deri me tani.