Protesta, 54 grevistë në spital

Greva e urisë e deputetëve e mbështetësve të opozitës hyri sot në ditën e 18-të. Gjendja e grevistëve, të vendosur në bulevard, para godinës së kryeministrisë vazhdon të rëndohet më tej ndërsa ende nuk është arritur zgjidhja ngërcit politik. 54 grevistë janë shtruar në spital.
Në orën 09:43 të mëngjesit të sot në spital është dërguar grevisti Preng Tuci, 62 vjeç nga Durrësi për shkak se shëndeti i tij është rënduar së tepërmi.