Protesta tregtaret refuzojne kasat fiskale
TIRAN- Perfundimi i afateve ligjore per pajisjen me kasa fiskale te bizneseve te vogla ka nxjerre ne aksion organet tatimore te cilet kane kryer kontrolle per vendosjen ose jo te tyre duke penalizuar te pabindurit. Aksioni i radhes i tatimoreve ka hasur ne kundershtimin e tregtareve te tregut industrial prane Medresese ne Tirane te cilet madje
kane bllokuar per rreth 30 minuta unazen e qytetit. Tregtaret kundershtojne vendosjen e kasave fiskale per shkak te cmimit te larte sipas tyre me te cilin ato shiten si dhe shtimit te metejshem te taksave pas pajisjes me to. Te irrituar nga sjellja e organeve tatimore te cilet sipas tyre kane vendosur gjoba te majme deri ne 100 mije leke tregtaret akuzojne keta te fundit per favorizim te kompanive prane ministrit te Financace duke iu percaktuar edhe vendin ne te cilin do te blejne pajisjen fiskale.
Pashk Kola eshte pronari i nje dyqani te vogel ne kete treg i cili ka dale si shumica e tregtareve te tjere per te kundershtuar pajisjen e tyre me kasa fiskale. Sipas tij cmimi me te cilen ofrohet kasa eshte i paperballueshem per tregtaret te cilet paguajne edhe detyrime te tjera ndaj pushtetit vendor si dhe qira per vendin ku ata ushtrojne aktivitetin. Ai e arsyeton kete kerkese me xhiron e ulet qe bejne kryesisht tregtaret ne kete vend si dhe perfshirjen e tyre ne sistemin e taksave njehere e pergjithmone nese do te pajisen me kasa fiskale. mimi i kasave shkon deri ne 70 mije leke. Ky eshte nje cmim i larte per ne. Kemi thuajse nje jave qe nuk mundemi te punojme fare pasi tatimoret na thone ose merrni kasen fiskale ose do tju gjobisim me 100 mije leke keshtu qe me mire te mos e hapim qepenin fare- shprehet Kola. Nje problem tjeter qe pritet te shfaqet sipas tregtareve pas vendosjes se kasave fiskale do te jete humbja e klienteles. Rritja e detyrimeve tatimore pasohet me rritje te cmimit per produktin apo sherbimin qe ofrohet. Kjo eshte edhe ajo te ciles i frikesohet Kadri Nela nje tjeter tregtar prane ketij tregu. Sipas tij per shkak te taksave te larta tregtaret do te detyrohen te rrisin cmimet veprim i cili do te largoje bleresit. Ky eshte nje treg qe ka cmime te lira prandaj edhe njerezit vijne te blejne ketu. Po te ve kasen fiskale mua do te me duhet te rris cmimet por ketu vijne te varfrit me cmime te larta nuk me vjen me njeri mua ketu - thekson ai. Sipas tregtareve edhe shpenzimet per mirembajtjen e kasave jane shume te larta.
Te irrituar ata shprehen se do te jene te detyruar te bejne kontrollin dhe mirembajtjen vjetore te pajisjes kundrejt nje shume prej 9 600 lekesh cka i shton edhe me tej shpenzimet. Sipas percaktimeve ligjore te gjithe bizneset e vogla ne qytete si Tirana Vlora Durresi Gjirokastra Berati Saranda Korca Pogradeci Lezha dhe Elbasani duhet te pajiseshin me kasa fiskale deri ne fund te muajit qershor te ketij viti. Me kalimin e ketij afati organet tatimore kane shtuar kontrollet ne terren per te verifikuar zbatimin e ketij detyrimi ligjor duke marre edhe masa ndeshkuese ndaj atyre qe nuk kane vendosur kasat fiskale. Me pak se nje jave me pare tatimet kishin penalizuar mbi 400 biznese per shkelje te ndryshme pjese e te cilave ishte edhe mospajisja me kasa fiskale.