Protestat, studentët e Bujqësorit bllokojnë mësimin, në Vlorë nxënësit kërkojnë rrugë

TIRANË - Sot në mëngjes studentët protestues nuk kanë lejuar pedagogët dhe studentët e tjerë të hyjnë në mësim duke bllokuar derën e fakultetit. Studentët e Agrobiznesit janë prej disa ditësh në protestë dhe disa prej tyre edhe në grevë urie, kundër vendimit të dekanatit për të aplikuar notë mesatare për pranimin në master.

Studentët protestues thanë se do të bëjnë gjithçka që zëri i tyre të dëgjohet. Sipas tyre është absurde që të mos lejohen të ndjekin studimet e larta, kur zbatohet sistemi i Bolonjës 3+2 dhe dyvjeçari në çdo fakultetet të vendit është pa mesatare.

Ndërkohë gjendja e 15 shokëve të tyre të futur në grevë urie sa vjen e rëndohet. Sot është dita e tetë e grevës së studentëve të fakultetit të Ekonomi-Agrobiznesit dhe të rinjtë janë të vendosur në kërkesën për Diplomën e Nivelit të Dytë, pavarësisht mesatares. Protesta përkrahet dhe nga prindërit e të rinjve.

Studentët e grevës së urisë nuk kanë mesataren e kërkuar nga fakulteti, e cila duhet të jetë mbi 7, ndërkohë që në bazë të sistemit të Bolonjës, ata kanë plotësuar kuotën e 180 krediteve për të ndjekur ciklin dyvjeçar. Por, këta studentë nuk i pengon vetëm mesatarja e ulët, por edhe kuotat e pakta që janë dhënë për ciklin e dytë të studimeve.

VLORE - Rreth 900 nxënës të shkollës 9-vjeçare, 'Ibrahim Kushta' kanë bojkotuar mësimi dhe janë hedhur në protesta duke kërkuar rikonstruksionin e rrugës që të çon në shkollën e tyre.

Ata i janë drejtuar Baskisë dhe Qarkut të Shkodër, duke iu bërë të ditur drejtueseve vendorë se nuk hyjnë në mësim pa nisur punimet në rrugë. Nxënësit thonë se rruga është tejmase e prishur çka iu bën të pamundur mbërritjen në kohë, për mësim.

"Rruga është me gropa e baltë, ne e kemi të pamundur të vijnë në shkollë", thotë drejtuesja a qeverisë së shkollës. Sipas saj edhe mësuesit i mbështetin në këtë protestë pavarësisht se nuk kanë dalë në rrugë.