Protestuesit hedhin tymuese dhe kapsolla në drejtim të Kryeministrisë, raportohet për tre efektivë të dëmtuar

TIRANË 8 shkurt /ATSH/ Protestuesit kanë hedhur shashka, tymuese dhe kapsolla në drejtim të godinës së Kryeministrisë sapo kreu i PD, Sali Berisha do mbante fjalën

Shashkat dhe kapsollat u hodhën në drejtim të efektivëve të policisë edhe në përfundim të fjalës së Berishës.

Flakadanët dhe shashkat janë larguar nga punonjësit e policisë të rreshtuar përpara godinës së Qeverisë ndërkohë që mediet e pranishme raportuan për tre efektivë të lënduar që janë larguar menjëherë nga kolegët.

Pas hedhjes së tymueseve dhe shashkave, në përfundim të fjalës së kreut të PD, Sali Berisha, protesta e thirrur nga PD dhe aleatët e saj është mbyllur me largimin e protestuesve. Protesta zgjati rreth 1 orë e 15 minuta.