Publikohen pamjet dramatike nga Ukraina, njerëz të dëshpëruar presin trenat që të largohen

Luftimet në Ukrainë janë në ditën e 5. Qytetarët ende janë duke u përpjekur për tu larguar nga vendi. BBC raporton se stacionet e trenave vijojnë të jenë të tejmbushur me njerëz që mundohen të kapin trenat për të shkuar në një vend  të sigurt. Pamjet dramatike tregojnë nëna  që ngrenë mbi kokat e turmës foshnja për ti hipur në trenat, që kryesisht shkojnë drejt Polonisë.

Njerëzit qëndrojnë në radhë të gjata, të dëshpëruar, me shpresën për tu larguar nga vendi i tyre, i cili që prej të enjtes së kaluar nuk është më i sigurt, pas bombardimeve të ndërmarra nga ushtria ruse.