QSUT – Rivihet në punë rezonanca, kishte dy javë jashtë shërbimit

Prej dy javësh aparatura e rezonancës në QSUT qëndroi jashtë funksionit për shkak të nje defekti duke bërë që pacientët të spostoheshin drejt shërbimit të Neurologjisë për të marrë shërbimin duke krijuar edhe rradhëpritje.

Nga kjo e enjte, (11 korrik) ekipi i inxhinierëve të firmës që ka kontratë mirëmbajtje ka vendosur në punë aparaturën duke rikthyer në normalitet ekzaminimet.

Mjekët imazherishtë shpjegojnë se QSUT ka dy aparatura të tilla dhe se vetëm ajo në spitalin qëndror kryen rreth 25 ekzaminime në ditë.

“Ne në ditë kemi 20 rezonanca të planifikuara. Edhe spitali i Neurologjisë ka pothuajse të njëjtën ngarkesë”, tha mjeku.  

Rezonanca është një shërbim që kryhet me planifikim në sistem dhe zakonisht pritja shkon rreth dy muaj.

Gazetare: Sonila Mlloja

/rtsh.al/