QSUT, shperblime per bluzat e bardha Sonila Isaku
Shperblime te diferencuara sipas cilesise dhe performances ne pune do te shkojne keto dite ne duart e bluzave te bardha te Qendres Spitalore Universitare "Nene Tereza" ne Tirane. Drejtoria e ketij institucioni ka marre vendimin per shperndarjen e nje fondi te grumbulluar nga te ardhurat dytesore, nga vete pavijonet prej 11 muajsh.
Shperblimet
Shefat e pavijoneve, mjeket infermieret dhe i gjithe stafi mbeshtetes do te perfitojne shperblime page gjate muajit prill. Drejtori i QSUT-se, Ilir Dashi gjate nje takimi me te gjithe shefat e pavijoneve u ka bere te ditur se te ardhurat dytesore, pikerisht pjesa e shperblimeve dhe pagave, te cilat nuk jane shpenzuar prej 11 muajsh do te shkojne per shperblime. "Nje fond i grumbulluar qe nga maji i vitit te kaluar, por edhe nga hapesira qe na jep ligji duke i perdorur ato deri ne masen 30 per qind per shperblime, do te vijne tek ju kete muaj" ka pohuar gjate fjales se tij drejtori i QSUT-se Ilir Dashi. Sipas tij, deri tani jane bere kalkulimet per cdo pavijon, keto para do te vihen ne dispozicionin te sherbimit dhe shuma prej 20 per qind do te shkoje per shefin e pavijonit. Kurse pjesa tjeter do te shperndahet per personelin sipas performances se tij ne pune. Do te jene vete shefat e pavijoneve qe do te percaktojne se kujt infermieri, mjeku te pavijonit duhet ti jepet me shume para per shkak te punes me cilesi qe ai ka ofruar ndaj pacientit.
Korrupsioni
Nje tjeter pike e diskutuar gjate ketij takimi me kokat e pavijoneve ka qene edhe ceshtja e korrupsionit. Drejtori i QSUT-se u ka kerkuar shefave dhe nepermjet tyre, mjeket dhe infermieret te mos bien preh e tij, pasi tashme e tutje per rastet e denoncuara do te kete largime nga puna. "Gjate nje takimi qe kam pasur me Ministrin e Shendetesise, me ka kerkuar tu percjell juve dhe nepermjet jush te gjithe personelit, qe per te gjitha rastet e korrupsionit te cilat do te denoncohen si ne media ashtu edhe ne zyrat tona do te kete masa, te cilat jane largime te menjehershme nga puna" ka nenvizuar Dashi. Ceshtja e korrupsioni ka qene edhe ne qender te grupit te Task-Forces per Reformen ne Shendetesise qe kryesohet nga Kryeministri Berisha. Ky i fundit u ka kerkuar drejtuesve te institucioneve shendetesore te marrin te gjitha masat per parandalimin e ketij fenomeni negativ
"Ilacet tek pacienti kudo qofshin"
Pacientet te cilet do te shtrohen ne QSUT do te marrin edhe medikamentin e fundit qe do iu nevojitet atyre kudo qofte ai, ne cilen farmaci te spitalit. Ky ka qene urdhri i Ministrise se Shendetesise, por qe do te zbatohet nga te gjitha spitalet ne vend. Duke pasur parasysh kete urdher, kreu i QSUT-se u ka kerkuar shefave te pavijoneve per nje mireorganizim te punes. "Cdo pavijon duhet te furnizohet me ilace pavaresisht se ndodhen ne farmacine qendrore te QSUT-se apo ne ato periferike. Gjithashtu kerkoj nje bashkepunim me te mire mes farmacisteve-kryeinfermiereve-shefa pavijoni" ka pohuar Dashi. Te tjera kerkesa kane pasur te bejne me zbatimin e te gjitha urdhrave te nxjerra si ai per sistemin e urgjencave, ashtu edhe ai i hyrje-daljeve te familjareve. "Jane ngritur tre grupe pune te cilet jane duke kontrolluar te tre urdhrat e siperpermendur. Aktualisht shihet nje ndryshim, por do iu kerkoj me shume pune per te arritur ne ate qe duan ne, dhe qe keto urdhra te mos mbeten porosi ne leter" ka pohuar Dashi. Nderkohe qe grupet e kontrollit cdo jave do te raportojne per situaten ne pavijone.