Sheshi "Skenderbej" nis faza e dyte e punimeve Sonila Isaku

Me gjithe paralajmerimet e qeverise se do te bllokoje punimet ne Sheshin "Skenderbej", Bashkia ka prezantuar nisjen e fazes se dyte te punimeve. Ka qene vete Kryetari i Bashkise se Tiranes, Edi Rama i cili ka prezantuar fazen e dyte te projektit per kete zone. Duke anashkaluar debatin mediatik me qeverine, Rama ka pohuar se polemikat vetem e demtojne projektin. "Ky eshte nje projekt madheshtor, ambicioz, i nderlikuar. Duhet nje energji pozitive, cdo energji negative dhe destruktive nuk eshte ne te miren e kesaj pune qe une e konsideroj nje pune te perbashket. Eshte ndertimi i nje vepre qe nuk ka asnje arsye te behet pjese e nje polemike te dites qe fillon me diten dhe mbaron me diten", tha Edi Rama, kryetar i bashkise se Tiranes.
Trafiku
Me nisjen e ketyre punimeve pritet qe te kete ne ndryshim te trafikut, pasi automjetet nuk do te kalojne ne shesh por, do te perdorim pasivisht unazen e vogel e cila kalon perreth qendres se Tiranes. Rama, bashke me drejtues dhe eksperte te Bashkise qe kane inspektuar punimet ka shpjeguar segmentet rrugore te cilat do te mbyllen gradualisht per trafikun ne kete faze te dyte te punimeve, afati i se ciles nuk eshte bere i ditur ende. Ky plan qarkullimi, parasheh fillimin e funksionimit te unazes se Vogel ne drejtim te pjeses perendimore, specifikisht, prapa Muzeut Kombetar, me nje drejtim levizjeje, per te perfunduar ne rrugen e Durresit. Nje tjeter ndryshim do te jete hapja per trafikun e ures se re ne hyrje te rruges "Deshmoret e 4 Shkurtit" apo dhe ndryshimi i drejtimit te levizjes ne rrugen "Qemal Stafa" , qe do te behet me dy drejtime levizjeje. Ne kete rruge parashikohet heqja e parkimeve ne njerin krah. E njejta gje do te zbatohet edhe ne rrugen "Abdi Toptani" mbrapa pallatit te kultures dhe ne rrugen "Mine Peza". Sipas kryetarit te bashkise se Tiranes ndryshimi i rrugeve te qarkullimit do te behet me faza, nuk do te kete nje bllokim te menjehershem dhe teresor te sheshit. Ndryshimi do te behet pjese- pjese, ne koordinim te plote me Policine Rrugore.
Faza II
Projekti i nisur dje do te vijoje te zbatohet sipas parashikimit te studios belge. Faza e dyte parashikon fillimin e nderhyrjeve per kanalizimet dhe galerite nentokesore, cka sipas kryebashkiakut Rama, do te sjelle devijime dhe kufizime te trafikut ne disa rruge kryesore ne Tirane. "Puna me e veshtire dhe me e nderlikuar eshte puna e pergatitjes se infrastruktures nentokesore, e hapjes se galerive te sherbimeve te te gjitha rrjeteve te nentokes dhe njekohesisht e krijimit te asaj baze te domosdoshme, per te pasur neser gati pjesen arkitektonike dhe artistike" ka pohuar Rama. Ky i fundit ka kerkuar edhe bashkepunimin me qytetaret, tek nevoja e pjesemarrjes se te gjitheve ne kete projekt, permes nje kembenguljeje dhe durimi qe eshte i domosdoshem ne kete faze. Konkretisht ne fazen e dyte parashikohet te fillojne punimet per kanalizimet dhe galerine, ne zonen para Pallatit te Kultures. Po keshtu do te fillojne punimet ne galerine Lindje - Perendim, ne seksionin para Bankes se Shqiperise, deri ne fillimin e rruges "Luigj Gurakuqi". Me pas do te behet realizimi i punimeve te projektit, ne zonen e lulishtes mbas Monumentit.