"Qafe gjashta, s'jemi ne autoret"

Tirane- Te pandehurit e akuzuar per vrasjen dhe djegien e efektivit te policise Gjergji Mehmeti dhe plagosjen kolegut te tij Sokol Bizhga, kane mohuar dje akuzat e ngritura nga Prokuroria e Krimeve te Renda. Nje e nga nje avokatet mbrojtes dhe vete te pandehurit, kane cilesuar hetimet e prokurorise te ceketa ndersa kane sqaruar se ne banken e te akuzuarve duhet te ishin persona te tjere, autoret e vertete te ngjarjes se 4 marsit te vitit 1997. "Na kane sjelle gabimisht. Ngjarja eshte e rende se ka ikur nje jete personi. Na kane marre me force. Sa here na kane thirrur per te dhene shpjegime jemi paraqitur. Po te isha vetem nje ngrime fajtor, do te isha larguar nga Saranda", deklaroi dje i pandehuri Vladimir Sinani. Ndersa avokati i tij mbrojtes Vladimir Germenji sqaroi se: "Provat e prokurorise nuk kane te bejne me te mbrojturin prej meje. Hetimet e bere nga akuza tregojne pafajesine e tij. Klienti im se bashku me te vellane e tij, diten e ngjarjes ishin duke ruajtur karburantin e dy vellezerve Vaso. Klienti im ka nxjerre nga makina e djegur, trupin e pajete te efektivit Gjergji Mehmeti dhe e ka mbeshtjelle ate me carcaf". Me tej avokati theksoi se ceshtja ishte politike. Nga ana tjeter avokati mbrojtes i te pandehurve Eduart Cipa dhe Alqi Paguni, sqaroi pozicionin e klienteve te tij. Sipas mbrojtesit Artan Kodheli, Paguni kishte qene rastesisht ne karburantin e dy vellezerve Vaso, per te furnizuar automjetin e tij. Madje ai vuri ne dukje se klienti i tij nuk duhet te ishte sjelle per gjykim, kjo per vete faktin se Gjykata e Larte pervec lirimit te tij kishte argumentuar se, ndaj tij nuk kishte prova qe te merrej i pandehur. Ndersa per te pandehurin tjeter, mbrojtesi beri me dije se ai ka shpjeguar ne organin e akuzes se nuk ka qene ne vendin e ngjarjes, c'ka sipas tij, do te thote qe ai nuk duhet te ishte bere objekt gjykimi. Pretendimi per pafajesine e te pandehurve eshte theksuar me shume edhe nga ana e avokatit Ferdinad Ndoja. Sipas tij, sot ne banken e te akuzuarve nuk jane autoret e vertete te kesaj ngjarjeje. Sipas mbrojtesit ne banken e te akuzuarve, duhet te ishte autori i plagosjes se rende te deshmitarit Fatos Mahmutaj. Ne mbyllje te deklarimeve te tyre mbrojtesit i kerkuan gjykates qe te pranonte marrjen e provave, te kerkuara nga ana e tyre. Kryesisht provat kishin te benin me deshmitaret, numri i te cileve arrinte ne 100, si dhe administrimin e disa kaseta filmike, ne te cilat shfaqen pamjet e ngjarjes se 4 marsit. Te pandehurit e ketij procesi jane : Vladimir Sinani, Eduart Cipa, Alqi Paguni, Admond Sejko, Agron Qurku, Aleksander Bala, Mikel Kendezi, Nestor Sinani, Arben Kendezid dhe Ristan Lapa. Prokuroria disponon nje sere provash, te cilat tregojne implikimin e tyre ne kete ngjarjeje.

Redinalda Caushaj