Qendra spitalore e Belshit, temperaturat e larta rrisin numrin e pacientëve

Temperaturat  e  larta  të  qershorit  po  sjellin  probleme  shëndetësore  tek  banorët  e  zonës  së Dumresë.

Çdo  ditë  në  urgjencën  spitalore  të Belshit paraqiten kryesisht fëmijë  dhe  mosha  e  tretë  për të  marrë ndihmën e  parë  mjekësore.

Sipas  mjekëve  çdo  ditë  në  urgjencë  priten  30  deri 40  pacientë të cilët kanë simptomat e dhembjes së kokës apo shumë raste diarre dhe temperaturë.

Për mbarëvajtjen e situatës në qendrën  shëndetësore të Belshit  shërbimi  tashmë  është  kthyer  në 24  orësh nga 12 që ishte më parë.  

Shërbimi  urgjencës  në  Belsh  mbulon një shërbim për 30 mijë banorësh që përfshin të gjithë rajonin e Dumresë.

Gazetar Norel Zaimi

/Rtsh.al/