Qeveria: Absurdi i PS, fshesë në shtet dhe privat Rozeta Rapushi

Qeveria ne detyre denoncoi dje si akt flagrant antishteteror hapjen e tenderit sipas saj per fshesen ndaj administrates. Por sipas kryeministrit Sali Berisha, Rama nuk do te merret vetem me sektorin publik por edhe ate privat. Me titullin “oreksi vjen duke ngrene” ne nje postim ne faqen e tij ne rrjetin social Facebook, kreu i qeverise Sali Berisha tha se ne seline mavi, ka revansh i papare. Ai tha se pas hapjes se tenderit on-line per fshesen ndaj administrates, Rama njofton se konkurset per vendet e punes ne administrate nuk kane qene te hapura (packa se botoheshin ne te gjitha mediat e kontrolluara prej tij), prandaj per t’i hapur ato ai ka vendosur qe cdo njeri per te marre pjese ne konkurse per punesim ne administrate duhet me pare te aplikoje on-line dhe te prese bileten ne seline e PS. “Por sic thote fjala e urte, oreksi vjen duke ngrene, Rama njoftoi se fshesa e partise do te fshije edhe sektorin privat, i cili se shpejti do te “ndihmohet” me aplikantet e “virtytshem on-line te selise se PS. Kjo eshte lule. Prisni, prisni tenderin e miellit. Aty deti behet jo kos por flori. Tepron edhe per ndonje mik te cmuar qe cmendet pas gjahut dhe trafiqeve! Ndryshim! Me vrap drejt te shkuares”, - u shpreh kreu i qeverise ne detyre. Me heret zedhenesja e Kryeministrit, Erla Mehilli, e quajti praktiken e ndjekur nga Rama si shkaterrimtare jo vetem per administraten publike por edhe per tregun e punes ne teresi. “Kryetari i mazhorances se re, Edi Rama ka hapur prej ditesh ne nje akt flagrant antishteteror, tenderin per fshesen ndaj administrates. Madje ai pretendon se Data Base i PS-se qe do te perdoret per kete qellim, do ti ofrohet edhe sektorit privat. Pra fshesa e partise, tenderi i saj per punesim, do te perfshije edhe punonjesit e sipermarrjeve private. Kjo eshte forma me staliniste e kontrollit te tregut te punes, eshte kazma ne themelet e lirise se ketij tregu”, - akuzoi Mehilli. Sipas saj, per te justifikuar veprimin e tij, vendosjen me shpejtesi te sistemit gjobevenes socialist, Rama deklaron se punekerkuesit e perzgjedhur nepermjet Partise Socialiste do ti ofrohen konkurseve te hapura qe organizon administrata per vende pune sepse sipas tij me pare keto konkurse nuk kane qene te hapura dhe tani ai do ti beje me te hapura duke rekomanduar nga selia e PS pjesemarresit e ketyre konkurseve.

AKUZA

“Une sot jam ketu per te denoncuar kete praktike, si nje veprimtari te mirefillte antishteterore dhe shkaterrimtare per administraten publike dhe tregun e punes ne teresi. Plotesimi i vendeve te administrates eshte bere gjithnje vetem pas publikimit te vendit te lire ne mediat shqiptare, perfshire ne te gjitha rastet edhe ne mediat e kontrolluara nga Rama”, - akuzoi zedhenesja e qeverise.