Qeveria “Rama”, si ndryshjne ministrite Rozeta Rapushi

Kreu i Partise Socialiste, qe pritet te jete edhe kryeministri i ardhshem, Edi Rama, zbardhi dje skemen e re qeverisese per kater vitet ne vazhdim. Kjo skeme permban 16 ministri sa jane edhe aktualisht, 19 ministra, ku tre do te jene pa portofol dhe nje zevendeskryeminister pa portofol tjeter. Ndersa siguroi se persa i perket perberjes, “kjo qeveri do te kete numrin me te madh te grave ne historine e vendit”. Qe ne nisje te prezantimit te struktures se qeverise se re, Rama tha se ajo u ndertua mbi bazen e nje analize te hollesishme, qe do te pastroje sipas tij, trupen aktuale me shume parazite brenda, duke premtuar shkurtim drastik. Rama perfshin ne qeverine e re tre poste shtese ministrash, por pa portofol pa nje dikaster te tyren. Keshtu, pervec 16 ministrive, sa jane edhe aktualisht, Rama tha dje se do te kete tre ministra shteti, nje per Inovacionin dhe Administraten Publike, per Çeshtjet Vendore dhe per Marredheniet me Parlamentin. Nderkohe qe shpjegoi ne detaje ndryshimet qe do te pesoje qeverisja, duke nisur nga Kryeministria si dhe sqaroi se emrat e kabinetit qeveritar, do te behen publike ne ditet e para te muajit gusht. “Do te ristrukturojme ne menyre te plote dhe te thelle godinen apo organiken e Kryeministrise. Do te kete shkurtim te ndjeshem te kesaj organike. Do te vendoset nje raport i ri i drejte dhe efikas mes kabinetit te Kryeministrit dhe gjithe piramides, qe sot rezulton ne kendveshtrimin tone shume e mbingarkuar dhe ne nje pjese te konsiderueshme parazitare”, - theksoi Rama. Po keshtu, ai pohoi se do te kete shkurtim drastik te komiteteve nderministrore ne funksion te rritjes se fuqise koordinatave te ketyre komiteteve. Do te kete nje zevendeskryeminister, pa portofol tjeter, qe do te fokusohet ne ceshtjet specifike per te cuar perpara prioritetet. Duke folur per Ministrite, Rama tha se Ministria e Financave nuk ndryshon, por do te kete nje reforme te thelle strukturore te brendshme. Po keshtu sipas tij, Ministria e Brendshme, nuk ndryshon, ne kompetencat ekzistuese, por edhe aty do te kete nje reforme te thelle strukturore te brendshme. “Ministria e Mbrojtjes nuk ndryshon ne kompetencat ekzistuese, por edhe aty do te kete nje reforme te thelle. Ministria e Jashtme, nuk ndryshon ne kompetencat ekzistuese, por reforma strukturore e brendshme do te jete e thelle. Ministria e Integrimit Europian, qe do te marre nje rol te ri ne kushtet kur behet e domosdoshme qe t’i japim fund nje periudhe te stergjate kaosi dhe moskoordinimi mes Ministrive dhe agjencive te tjera ne funksion te kryerjes te te gjithe atyre detyrave qe shkojne duke u shtuar ne axhenden tone te integrimit”, - nenvizoi kreu socialist. Sipas Rames edhe Ministria e Drejtesise nuk ndryshon ne kompetenca, por reforma e thelle dhe strukturore po ashtu do te perfshije edhe kete Ministri. Nderkohe qe do te kete nje ndarje te Ministrise se Ekonomise. “Do te kemi nga njera ane Ministri te Zhvillimit Ekonomik, Tregtise dhe Sipermarrjes, e cila do te mbuloje sektoret e zhvillimit, do te mbuloje zhvillimin rajonal, problematiken e klimes se biznesit. Nga ana tjeter Ministria e Energjise dhe Industrise, qe do te mbuloje me perparesi projektet e zhvillimit ne fushen e energjise, si dhe gjithe pjesen qe ka te beje me pasurite natyrore, minierat, hidrokarburet dhe industrine e lehte”,- informoi Rama. Ai pohoi se do te ndahet ne dy, Ministria aktuale e Puneve Publike, Transportit, Ttelekomunikacionit ne nje strukture qe do te mbuloje posacerisht Transportin dhe zhvillimin e Infrastruktures, me fokus politikat e transportit, telekomunikacionit dhe infrastrukturen. Nga ana tjeter nje strukture e re qe do te mbuloje gjithe boshllekun e krijuar sipas tij, nga mungesa e politikave te zhvillimit urban dhe turizmit. Nga ana tjeter, do te krijohet Ministria e Bujqesise, Zhvillimit Rural dhe Administrimit te Ujerave. Ministria e Shendetesise mbetet me kompetencat ekzistuese dhe merr edhe mbrojtjen e konsumatorit, sipas fushes perkatese dhe bashkohen arsimi me sportin ne nje Ministri te Arsimit dhe te Sportit.

Ministrat pa portofol

Tre do te jene ministrat pa portofol ne qeverine e re. Ministri per Inovacionin dhe Administraten Publike, ministri per Çeshtjet Vendore dhe ai per Marredheniet me Parlamentin. Si dhe nje zevendeskryeminister, pa portofol shtese. Rama tha dje se administrata publike nga nje xhep fals ne ministrine e brendshme rikthehet ne Kryeministri dhe hyn ne kompetencen e nje Ministri qe te mbuloje inovacionin dhe administraten publike. Nderkohe qe nje minister per Çeshtjet Vendore, qe do te mbuloje gjithe fushen e mbetur bosh pa koordinim mes pushtetit vendor dhe qeverise, por edhe ceshtje te komuniteteve te ndryshme ne raport me vete pushtetin vendor. Ministri per Marredheniet me Parlamentin do te jete ne kuadrin e nje marredhenieje te re mes ekzekutivit dhe legjislativit, kur ministrat nuk kane mandatin e deputetit.

SHKURTIMET

“Komitetet qe do te drejtohen nga Kryeministri, do te shkurtohen ne menyre drastike, sepse sot jane nje tufe e tere parazitesh dhe do te jene komitete te mirefillta pune per prioritetet dhe per koordinimin e te gjitha energjive qeverisese te vendit. Kjo eshte struktura e re e qeverise se Shqiperise”, - tha dje Rama.

Struktura e qeverise aktuale (2009-2013)

Kryeministri

Zevendeskryeministri dhe ministri i Arsimit dhe Shkences

Ministria e Jashtme

Ministria e Brendshme

Ministria e Mbrojtjes

Ministria e Integrimit

Ministria e Finances

Ministria e Ekonomise,Tregtise dhe Energjetikes

Ministria e Drejtesise

Ministria e Puneve Publike dhe Transportit

Ministria e Arsimit dhe e Shkences

Ministria e Punes, Çeshtjeve Sociale dhe Shanseve te Barabarta

Ministria e Shendetesise

Ministria e Bujqesise, Ushqimit dhe Mbrojtjes se Konsumatorit

Ministria e Turizmit, Kultures, Rinise dhe Sporteve

Ministria e Mjedisit, Pyjeve dhe Administrimit te Ujerave

Ministri per Inovacionin dhe Teknologjine e Informacionit e te Komunikimit

Struktura e qeverise se re (2013-2017)

Kryeministri

Zevendeskryeministri

Ministria e Financave

Ministria e Brendshme

Ministria e Mbrojtjes

Ministria e Jashtme

Ministria e Integrimit Europian

Ministria e Drejtesise

Ministria e Zhvillimit Ekonomik, Tregtise dhe Sipermarrjes

Ministria e Energjise dhe Industrise

Ministria e Zhvillimit Urban dhe Turizmit

Ministria e Transportit dhe Infrastruktures

Ministria e Bujqesise, Zhvillimit Rural dhe Administrimit te Ujerave

Ministria e Shendetesise

Ministria e Arsimit dhe Sportit

Ministria e Mireqenies Sociale dhe Rinise

Ministria e Kultures

Ministria e Mjedisit

Ministrat e Shtetit:

Minister per Inovacionin dhe Administraten Publike

Minister per Çeshtjet Vendore

Minister per Marredheniet me Parlamentin