Qeveria: Ulet mosha e pensionit për minatorët

Në mbledhjen e dytë të qeverisë pas zgjedhjeve është marrë një vendim që minatorët e prisnin prej kohësh. Me vendim të posaçëm është ulur me 5 vjet mosha e pensionit për këtë kategori. Por qeveria ka marrë edhe disa vendime të tjera, si futja në procesin e legalizimeve të letrave me vlerë, rritjen e taksave për lojrat e fatit, rritjen e akcizës për duhanin dhe pijen alkoolike si dhe një vendim që i shërben gjuhës sonë: tabelat e dyqaneve do kushtojnë vetëm 1 euro, por me kushtin që të jenë vetëm shqip.