Qeveria, fond kreditimi 25 milionë euro për eksportuesit në vështirësi
Bizneset mund të marrin kredi nga 50 deri 500 mijë euro. 22,5 milionë euro do të përdoren për kreditimin e SME-ve
Ervin KOÇI
Qeveria ka në dispozicion të saj një fond prej 25 milionë eurosh për ta përdorur në ndihmë të bizneseve që janë në vështirësi financiare e që nga çasti në çast mund të falimentojnë. Fondi i garancisë është në dispozicion të Ministrisë së Ekonomisë, e cila ka të drejtën e administrimit të tij duke ua akorduar atyre subjekteve që aplikojnë për ta përfituar. Nga këto, 22,5 milionë euro do të jenë për kreditimin e bizneseve të vogla dhe të mesme dhe 2,5 milionë euro për bizneset pa kolateral. Lajmi është bërë i ditur nga ministri i Ekonomisë, në kuadër të masave për zbutjen e efekteve të krizës globale në ekonominë shqiptare. Muajt e fundit të vitit, ashtu siç ishte parashikuar, është zyrtarizuar rënia e eksporteve shqiptare në shifra konkrete. Sipas ministrit Ruli, nga METE është përcaktuar tashmë një fond garancie në ndihmë të biznesit dhe kryesisht të subjekteve që merren me import-eksport. “22,5 milionë euro do të përdoren për kreditimin e bizneseve të vogla dhe të mesme. Ky është fondi i përcaktuar nga qeveria si garanci. Bizneset kanë mundësi të marrin kredi nga 50 deri në 500 mijë euro, ndërsa për bizneset që nuk kanë kolateral është parashikuar edhe një fond kolaterali prej 2,5 milionë euro”, - është shprehur ministri i Ekonomisë. Shumë prej bizneseve vendase janë gjendur në vështirësi që prej tetorit të vitit të kaluar, duke paralajmëruar një rënie të fitimeve të tyre.
Eksportet
Rënia e eksporteve ka shkaktuar përkeqësimin e bilancit të tregtisë së jashtme gjatë 3-mujorit të katërt të vitit të kaluar. Nga të dhënat zyrtare të INSTAT-it rezulton se deficiti tregtar është thelluar ndjeshëm gjatë periudhës tetor-nëntor, duke shënuar nivelet më të larta të gjithë vitit. Në tetor, ky deficit shënoi rekordin e 32.9 miliardë lekëve ose një rritje prej 25 për qind kundrejt shtatorit. Një muaj më vonë, në nëntor, deficiti tregtar arriti në 29.8 miliardë lekë ose një rritje 13 për qind në krahasim me muajin shtator. Qeveria do të jetë e detyruar të ndryshojë parashikimet e saj për rritjen ekonomike të vendit, ashtu siç bëri edhe Fondi Monetar Ndërkombëtar, duke e çuar në jo më shumë se 3,5 për qind. Viti 2008, sipas Ministrisë së Financave dhe FMN-së, u mbyll me një rritje prej 6 për qind. Gjithsesi, shifrat e INSTAT-it do të jenë ato që do të japin një kuadër më të plotë për rritjen ekonomike gjatë vitit që lamë pas.
Dërgesat
Rënia e të ardhurave nga emigrantët është një ndër pasojat e krizës financiare globale që ka filluar të ndihet në vendin tonë. Gjatë 11-mujorit të vitit 2008, sipas Bankës së Shqipërisë dërgesat nga emigrantët ishin rreth 947 milionë euro ose 1.1 për qind më shumë se një vit më parë. Sipas ekspertëve të sistemit bankar, ky sektor është i ekspozuar ndaj "goditjeve" të ambientit ekonomik botëror çka pritet të reflektojë rënie të parave nga emigracioni dhe shtrëngim të kushteve të financimit.
Energjia
Njëra prej masave të marra për të mos lejuar thellimin e mëtejshëm të deficitit tregtar është eksporti i energjisë. Gjatë këtij muaji, Shqipëria ka eksportuar energji kryesisht drejt Greqisë me një çmim shumë të favorshëm. Ky eksport do të vijojë edhe gjatë muajit mars, sipas ministrit të Energjetikës. “Dyfishuam në 10-ditëshin e fundit eksportin, kryesisht me Greqinë. Do të shohim si do të jemi, pa cenuar garancinë e rezervave që do të na duhen për stinën e verës, që në muajin maj të vazhdojmë eksportin e energjisë”, - tha Ruli. Ministri i Ekonomisë shpjegoi se një vendim i tillë është marrë pasi brenda vitit do të përfundojnë investimet në disa vepra energjetike, si TEC-i i Vlorës apo linja e interkonjeksionit me Malin e Zi. Ndërsa HEC-i i Kalivaçit përfundon në vitin 2010.
18 Shkurt 2009
Ervin KOÇI
Qeveria ka në dispozicion të saj një fond prej 25 milionë eurosh për ta përdorur në ndihmë të bizneseve që janë në vështirësi financiare e që nga çasti në çast mund të falimentojnë. Fondi i garancisë është në dispozicion të Ministrisë së Ekonomisë, e cila ka të drejtën e administrimit të tij duke ua akorduar atyre subjekteve që aplikojnë për ta përfituar. Nga këto, 22,5 milionë euro do të jenë për kreditimin e bizneseve të vogla dhe të mesme dhe 2,5 milionë euro për bizneset pa kolateral. Lajmi është bërë i ditur nga ministri i Ekonomisë, në kuadër të masave për zbutjen e efekteve të krizës globale në ekonominë shqiptare. Muajt e fundit të vitit, ashtu siç ishte parashikuar, është zyrtarizuar rënia e eksporteve shqiptare në shifra konkrete. Sipas ministrit Ruli, nga METE është përcaktuar tashmë një fond garancie në ndihmë të biznesit dhe kryesisht të subjekteve që merren me import-eksport. “22,5 milionë euro do të përdoren për kreditimin e bizneseve të vogla dhe të mesme. Ky është fondi i përcaktuar nga qeveria si garanci. Bizneset kanë mundësi të marrin kredi nga 50 deri në 500 mijë euro, ndërsa për bizneset që nuk kanë kolateral është parashikuar edhe një fond kolaterali prej 2,5 milionë euro”, - është shprehur ministri i Ekonomisë. Shumë prej bizneseve vendase janë gjendur në vështirësi që prej tetorit të vitit të kaluar, duke paralajmëruar një rënie të fitimeve të tyre.
Eksportet
Rënia e eksporteve ka shkaktuar përkeqësimin e bilancit të tregtisë së jashtme gjatë 3-mujorit të katërt të vitit të kaluar. Nga të dhënat zyrtare të INSTAT-it rezulton se deficiti tregtar është thelluar ndjeshëm gjatë periudhës tetor-nëntor, duke shënuar nivelet më të larta të gjithë vitit. Në tetor, ky deficit shënoi rekordin e 32.9 miliardë lekëve ose një rritje prej 25 për qind kundrejt shtatorit. Një muaj më vonë, në nëntor, deficiti tregtar arriti në 29.8 miliardë lekë ose një rritje 13 për qind në krahasim me muajin shtator. Qeveria do të jetë e detyruar të ndryshojë parashikimet e saj për rritjen ekonomike të vendit, ashtu siç bëri edhe Fondi Monetar Ndërkombëtar, duke e çuar në jo më shumë se 3,5 për qind. Viti 2008, sipas Ministrisë së Financave dhe FMN-së, u mbyll me një rritje prej 6 për qind. Gjithsesi, shifrat e INSTAT-it do të jenë ato që do të japin një kuadër më të plotë për rritjen ekonomike gjatë vitit që lamë pas.
Dërgesat
Rënia e të ardhurave nga emigrantët është një ndër pasojat e krizës financiare globale që ka filluar të ndihet në vendin tonë. Gjatë 11-mujorit të vitit 2008, sipas Bankës së Shqipërisë dërgesat nga emigrantët ishin rreth 947 milionë euro ose 1.1 për qind më shumë se një vit më parë. Sipas ekspertëve të sistemit bankar, ky sektor është i ekspozuar ndaj "goditjeve" të ambientit ekonomik botëror çka pritet të reflektojë rënie të parave nga emigracioni dhe shtrëngim të kushteve të financimit.
Energjia
Njëra prej masave të marra për të mos lejuar thellimin e mëtejshëm të deficitit tregtar është eksporti i energjisë. Gjatë këtij muaji, Shqipëria ka eksportuar energji kryesisht drejt Greqisë me një çmim shumë të favorshëm. Ky eksport do të vijojë edhe gjatë muajit mars, sipas ministrit të Energjetikës. “Dyfishuam në 10-ditëshin e fundit eksportin, kryesisht me Greqinë. Do të shohim si do të jemi, pa cenuar garancinë e rezervave që do të na duhen për stinën e verës, që në muajin maj të vazhdojmë eksportin e energjisë”, - tha Ruli. Ministri i Ekonomisë shpjegoi se një vendim i tillë është marrë pasi brenda vitit do të përfundojnë investimet në disa vepra energjetike, si TEC-i i Vlorës apo linja e interkonjeksionit me Malin e Zi. Ndërsa HEC-i i Kalivaçit përfundon në vitin 2010.
18 Shkurt 2009