Qeveria heq lekët për çerdhet e kopshtet, fëmijët marrin bukën me vete

Nuk kanë të sosur sukseset ekonomike të kësaj qeverie. Aq shumë ka përparuar politika sociale e kësaj qeverie, sa më shumë se 950 fëmijë të çerdheve e kopshteve në Fier tani e tutje do marrin bukën me vete pasi qeveria ka hequr grantin që paguante për ta.

Drejtoresha Ekonomike për Arsimin në Fier, Mimoza Moçi, ka deklaruar për Shqip se mungesa e fondeve do të sjellë këtë anomali. Ajo ka deklaruar se kjo gjë po ndodh për herë të parë në Bashkinë e Fierit.

Një ditë më parë u raportua se qeveria ka rritur kuotat ushqimore për jetimoret dhe azilet me plot… 10 lekë.