Qeveria i bllokoi fondet per sigurine e lumenjve ne Veri
Kriza e shkurtimit te buxhetit te shtetit ne qershor te ketij viti nuk kurseu as programin e investimeve per sigurimin e lumenjve permes argjinaturave. Ne nje raport te detajuar te Ministrise se Bujqesise qe mbulon edhe sektorin e kanalizimeve per ujitje kullimin dhe mbrojtjen nga permbytjet permes Bordeve te Kullimit thuhet se ne qershor u vendos te shkurtoheshin 676 milione leke nga buxheti i ministrise. Reduktimi i fondeve preku ne menyre te ndjeshme dy programet qe mbulonin direkt sigurine e lumenjve duke mundesuar rreth 125 milione leke me pak investime per argjinatura te reja te ndertuara dhe te rikonstruktuara.
Sikurse te mos mjaftonte shkurtimi i buxhetit per investime ne keta sektore Kryeministri Sali Berisha merr nje vendim te posacem qe ndalonte te gjithe tenderet pas dates 1 gusht. Ky vendim preku edhe planet e investimeve per argjinaturat e lumenjve perfshi edhe ato te Veriut qe sot gjenden ne situate kritike duke permbytur zona te tera.
Ministria e Bujqesise pranon se pas shume negociatash me Ministrine e Financave u be i mundur zhbllokimi i fondeve te pakten per zonat ne Veri per ti hapur rruge investimit te tyre. Ne raportin e monitorimit te buxhetit per vitin 2010 zyrtaret e ministrit kompetent Genc Ruli duke sqaruar vendimin per rishikimin e buxhetit pas bllokimit te fondeve deklarojne se keto ndryshime kane te bejne me heqjen e disa objekteve dhe futjen per financim te disa objekteve te tera qe kapin vleren 108 milion leke dhe i perkasin nderhyrjeve emergjente ne zonen e Shkodres.
Me 25 gusht pas kerkeses se ministrit te Bujqesise Ruli Kryeministri jep lejen per te vijuar investimin per 5 projektet ne zonen e Shkodres me vlere rreth 108 milione leke. Projektet kishin te benin me rehabilitimin e argjinatures se Casit me vlere 50 milione leke ne fakt i gjithe projekti kushtonte 130 milione leke rehabilitimin e kanalit te Murtemzes Ura e Gjo Lulit- Keneta e Vilunit me vlere investimi 30 milione leke ndertimin e argjinatures ne Darragjat me vlere 20 milione leke rehabilitimin e argjinatures ne Shirq-Belaj Luarz-Pentar Rec-Pulaj per 5 milione leke si dhe rikonstruksionin e paneleve elektrike te hidrovorit Velipoje Plazh Velipoje per 3 milione leke.
Ministria e Bujqesise arriti te merrte nje pjese te fondeve por bllokimi i meparshem i tyre do te krijonte pasoja ne ecurine e investimeve.
Gazeta Shqip meson raportimin e bere nga zyrtaret e Bordit te Kullimit ne tetor gati nje muaj nga nisja e permbytjeve lidhur me ecurine e investimeve per projektet qe iu zhbllokuan fondet me 25 gusht. Pervec argjinatures se Casit qe eshte ne fazen e prokurimit ne te gjitha objektet e tjera puna ka filluar thuhet ne raport. Po si do te ishte ecuria e investimeve per sigurine e lumenjve ne rast se fondet nuk do te ishin shkurtuar e me pas bllokuar per rreth dy muaj natyrisht me ndryshe nga sa paraqitet sot.
Sa i takon se ardhmes per vitin 2011 jane parashikuar disa fonde per rehabilitimin e tre lumenjve prane zones se Shkodres. Konkretisht per mbrojtjen nga lumi Drin pjesa e Ashtes do te investohen 106 milione e 975 mije leke per lumin Kir rikonstruksion argjinature do te hidhen 40 milione leke kurse per rehabilitimin e argjinatures se Casit jane parashikuar 80 milione leke qe te tria keto projekte me financim nga buxheti i shtetit.
Kujtojme se me 25 gusht qeveria shqiptare zhbllokoi fonde edhe per disa objekte te tjera qe lidhen me rehabilitimin e disa digave te rezervuareve ne zonen e Elbasanit te Lezhes te Matit te Tiranes dhe te Durresit me vlere totale investimi 59 milione leke.