Qeveria miraton skemën e garancisë shtetërore për bujqësinë në vlerën 3 miliardë lekë

Këshilli i Ministrave ka miratuar një vendim të rëndësishëm për mbështetjen e sektorit të bujqësisë, duke dhënë një garanci shtetërore të huas në vlerën e 3 miliardë lekëve.

Kjo skemë garancie synon të lehtësojë aksesin në kredi për subjektet e sektorit të bujqësisë. Garancia shtetërore do të lëshohet në favor të njëmbëdhjetë bankave tregtare të nivelit të dytë në Shqipëri, duke përfshirë:

Banka Raiffeisen

Banka e Bashkuar e Shqipërisë

Banka Kombëtare Tregtare

Banka Tirana

Banka Intesa Sanpaolo Albania

Banka Procredit

Banka Amerikane e Investimeve

Banka e Parë e Investimeve Albania

Banka Credins

Banka OTP Albania

Banka Union

Ministri i Financave është autorizuar të nënshkruajë marrëveshjet e garancisë me këto banka, bazuar në një marrëveshje tip.

Për ndjekjen dhe administrimin e kësaj skeme, janë ngarkuar Agjencia për Menaxhimin e Garancive dhe Kredive të Pakthyera dhe Agjencia për Zhvillim Bujqësor dhe Rural.

Kjo masë vjen si një nismë e përbashkët e Ministrisë së Financave dhe Ministrisë së Bujqësisë dhe Zhvillimit Rural, me qëllim mbështetjen dhe zhvillimin e mëtejshëm të sektorit bujqësor në vend.

/rtsh.al/