Qindra të vrarë nga luftimet në Sudan

“Qindra pjesëtarë të lëvizjes janë vrarë sot gjatë një sulmi në qytetin e Teludit, ku u zmbrapsën nga forcat ushtarake të Sudanit”, tha të hënën guvernatori i Kordofanit Jugor.

Ndërsa një zëdhënës i ushtrisë, i cituar nga "Al-Xhazira" tha se “këtë mëngjes, rreth 700 luftëtarë rebelë së bashku me 12 oficerë u përpoqën të sulmonin dhe të pushtonin Teludin”.

Kordofani Jugor mbeti nën administrimin e Veriut, kur Sudani Jugor fitoi pavarësinë në muajin korrik. Ky qytet ndodhet në kufi mes Sudanit dhe Sudanit Jugor, i cili qeveriset nga Lëvizja Popullore për Çlirimin e Sudanit./Start/F. Prroni/

                                                                                             2011-11-01 09:58