RUSI – Tri viktima pas sulmeve të mbi 500 dronëve ukrainas
MOSKË, 17 maj /ATSH-ANSA/ – Tri viktima dhe disa dhjetëra të plagosur u regjistruan në vend, pas sulmeve të 556 dronëve ukrainas, të rrëzuar gjatë natës, deklaroi Ministria ruse e Mbrojtjes.
“Mbrojtja ajrore kapi dhe shkatërroi 556 dronë mbrëmë. Mjetet ajrore pa pilot u rrëzuan mbi rajonet e Belgorodit, Kalugas, Kurskut, Oryolit, Bryanskit, Voronezhit, Tulas, Smolenskut, Pskovit, Lipetskut, Tverit, Rostovit, Krasnodarit dhe Moskës, si dhe mbi Krime, Detin e Zi dhe detin Azov”, shtoi Ministria ruse e Mbrojtjes.
Të paktën tri persona u vranë dhe disa dhjetëra të tjerë u plagosën.
Guvernatori Andrey Vorobyov e shpalli këtë një sulm “në shkallë të gjerë” në zonën përreth kryeqytetit rus.
Mbi 70 dronë u rrëzuan.
Viktimat përfshijnë një grua të goditur brenda shtëpisë së saj dhe dy burra të vrarë, kur shtëpia e tyre u shemb.
Një person tjetër është bllokuar nën rrënoja.
Dhjetëra njerëz u plagosën gjithashtu, me 12 punëtorë në një kantier ndërtimi në kryeqytet dhe të tjerë në zonën përreth./ a.jor.