Rama: Biznesin e vogël do të vazhdojmë ta mbrojmë edhe nga rritja e çmimit të energjisë!

Qeveria do të mbrojë biznesin e vogël edhe nga rritja e çmimit të energjisë.

Në një postim në Facebook kryeministri Edi Rama publikoi tabelën e TVSH-së për biznesin e vogël në rajon, ku Shqipëria e ka 0 %, Bosnja dhe Hercegovina 17%, Kosova 18%, Mali i Zi 21%, Maqedonia e Veriut 18% dhe Serbia 20%.

“Ja edhe ngarkesa e TVSH mbi biznesin e vogël, të cilin do të vazhdojmë ta mbrojmë edhe nga rritja e çmimit të energjisë, siç po mbrojmë të gjitha familjet po ashtu, si askund tjetër për hir të së vërtetës”, shkruan Rama bashkangjitur grafikut.