Rama: Komitet i Përbashkët me Dhomat e Tregtisë për biznesin vendas dhe të huaj

Shumë shpejt do të krijohet Komiteti i Përbashkët me Dhomat e Tregtisë. Lajmin e ka bërë të ditur kryeministri Edi Rama, me një postim në rrjetet sociale, ku ka nënvizuar se ky komitet do t’i japë komuniteteve të biznesit vendas e të huaj, një mundësi më shumë për të forcuar partneritetin me qeverinë. Të pranishëm në takimin e zhvilluar me kryeministrin Edi Rama ishin ambasadorja amerikane Yuri Kim, ambasadori italian Fabrizzio Bucci, ministrja e Ekonomisë dhe Financave, Anila Denaj, ministri për Rindërtimin Arben Ahmetaj, si dhe përfaqësues nga ambasada gjermane dhe austriake.

‘Krijimi së shpejti i Komitetit të Përbashkët me Dhomat e Tregtisë do t’i japë komuniteteve të biznesit vendas e të huaj, një mundësi më shumë për të forcuar partneritetin me qeverinë.’- shkruan Rama.