Rama: Kush nderton pa leje, i hedh parate ne det

Kryetari i Partise Socialiste, Edi Rama ka premtuar masa te forta ndaj ndertimeve pa leje ne zonen bregdetare, ne muajin shtator me ardhjen ne qeveri te koalicionit te majte. Ne takimin e zhvilluar dje ne qytetin e Vlore me drejtues socialiste te pushtetit vendor, Rama u shpreh se ata qe ngrene ndertesa pa leje, i cojne dem parate. “Mesazhi eshte i qarte: kush nderton pa leje apo ne shkelje te lejes ne bregdet duhet te ndalet sepse pa asnje dyshim po i con parate ne det!”, - u shpreh kryesocialisti. Ne takimin me drejtuesit vendore, Rama ka folur dhe per krijimin e nje konkursi nderkombetar per zhvillimin e planit te Qarkut te Vlores, por edhe per gjithe ndertimet ne zonat bregdetare. “Me vendoret e Vlores per konkursin nderkombetar per planin e zhvillimit te qarkut dhe aksionin e prishjeve te ndertimeve pa leje ne bregdet”,- shtoi kryetari i Partise Socialiste. Sipas kreut te PS-se, konkursi nderkombetar per zhvillimin e zones do te shmange cdo abuzim qe mund te behet ne bregdet. “Duhet nisur menjehere nga pergatitja per nje konkurs nderkombetar per planin e zhvillimit hapesinor per gjithe qarkun. Nje plan per tu dhene fund ndertimeve kuturu dhe per te konsoliduar bazen e prishjes se cdo ndertimi abuziv”,- u shpreh Rama. Lidhur me menyren sesi e mendon Partia Socialiste zhvillimin e zones bregdetare, Rama ka sjelle ne vemendje pervojen e tij ne krye te Bashkise se Tiranes dhe rehabilitimin qe beri ne zonen e lumit Lana. Sipas tij, nje aksion i tille do te ndermerret dhe ne gjithe vijen bregdetare ne vend. “Ne vijen bregdetare te Shqiperise do te bejme cka beme me Lanen ne Tirane! Pas kater vitesh, ndertimi pa leje ne bregdet do te jete nje enderr e keqe”,- deklaroi Rama. Kryesocialisti u shpreh dje se projekti per zonen bregdetare do te vihet ne zbatim ne muajin shtator, me marrjen e detyres nga qeveria e re. Rama ka folur dhe per punen e tij si deputet i Vlores, duke u shprehur se do te hap zyre ne kete qytet, per te qene gjithmone ne komunikim me qytetaret. “Ne Vlore do te kem prej shtatorit edhe zyren e deputetit me nje strukture standarde qe do ta kete cdo zyre deputeti socialist ne cdo qark”,- u shpreh kreu i PS-se, Edi Rama.

Deklarata

“Mesazhi eshte i qarte: kush nderton pa leje apo ne shkelje te lejes ne bregdet duhet te ndalet sepse pa asnje dyshim po i con parate ne det! Ne vijen bregdetare te Shqiperise do te bejme cka beme me Lanen ne Tirane! Pas kater vitesh, ndertimi pa leje ne bregdet do te jete nje enderr e keqe”,- u shpreh Rama.