Rama: Pas Fierit duam mandatin e pestë në Berat

Në një konferencë për shtyp, kreu i selisë rozë u shpreh sërish me tone të ashpra ndaj KQZ-së dhe kryeministrit Berisha. “KQZ e Berishës ka për detyrim ligjor të hetojë kutitë problematike të Qarkut të Beratit, Shkodrës e Tiranës. Ne i bëjmë thirrje KQZ-së të mos na mohojë mandatin e 5-të në Berat”, u shpreh Rama.

Kryesocialisti bëri me dije se po ndjek hap pas hapi punën e zhvilluar në KQZ dhe përsëriti se Sali Berisha nuk e ka mandatin për të qeverisur shqiptarët.