Rama: Planin im per qeverisjen e re te Shqiperise
"Per te hyre ne nje drejtim te ri, per t'i dhene fund rruges se vjeter dhe per te hapur nje rruge te re, duhet te merrni pjese drejtperdrejt, per te cuar ne cdo dere, mesazhin e shpreses". Kjo eshte ftesa e bere nga kryetari i Partise Socialiste, Edi Rama, gjate nje takimi te zhvilluar mbremjen e dy diteve me pare ne shetitoren "Taulantia" te qytetit te Durresit, ku ai foli me student dhe te rinj, per planin e politike se re. Ku per te duhet mbjelle ne cdo zemer dhe ne cdo mendje, fara e besimit se Shqiperia eshte nje dhurate bujare e Zotit, qe ne nuk mund ta shperdorojne. Sipas kryesocialistit, ne kete Shqiperi ne mund te bejme gjithcka qe duhet, qe te mos i kemi zili asgje fqinjeve tane, perkundrazi. "Ne rast se ne i japim njeri-tjetrit mundesine per ta degjuar njeri-tjetrin, ne rast se ne e shohim ne sy njeri-tjetrin dhe i japim doren njeri-tjetrit per t'u bere me te forte, pa asnje dyshim ne mund t'i japim vetes, mund t'i japim qytetit dhe vendit tone nje shprese te re, qe eshte nje shprese qe buron nga fuqia legjitime e endrrave tona, qe eshte nje shprese qe buron nga deshirat legjitime per nje vend me te mire", u shpreh lideri socialist. Rama solli ne vemendjen kohen e 30 viteve me pare kur ne plazhin e Durresit degjonin me radio te vogla qe mezi i kapnin valet, kenge te huaja, duke i cilesuar si kenge te huaja, qe ne ate kohe konsideroheshin si dicka aspak e hijshme. "Nje nga vargjet e shume kengeve qe me kujtohet sot, eshte nje varg nga Bob Marley, i cili thoshte : "Stand up, dont give up!". Sot 30 vjet me pas perseri eshte dita per te thene "Stand up, don't give up!", drejtoi thirrjen ndaj te rinjve, kryetari i Partise Socialiste, Edi Rama. Ai theksoi se permes nje politike te mire ne mund te bejme realitet plot gjera te mira dhe permes nje politike te mire, ne mund te ndryshojme shkollen e femijeve tane. "Permes nje politike te mire ne mund te ndryshojme kushtet dhe cilesine e shkollimit ne universitetet tuaja", theksoi nevojen per ndryshim kryesocialisti. Duke vijuar ne kete arsyetim, sipas tij, permes nje politike te re, ne mund te hapim rruge te reja per punesimin, qofte nepermjet arsimit profesional, qofte nepermjet kualifikimeve me te larta. Rama tha se kjo politike e re ka nevoje per te rinjte, kjo politike e re ka nevoje per te gjithe njerezit si ata, kjo politike e re ka nevoje per qytetaret dhe qytetaret qe gjithnje i kane qendruar politikes larg, duke bere nje gabim. "E perseris, sa me larg t'i qendrojne njerezit politikes, aq me shume politika u ben dem atyre dhe sa me prane t'i qendrojne njerezit politikes, aq me larg jane rreziqet qe vijne nga keqperdorimi i saj", perfundoi fjalen e tij, lideri socialist, Edi Rama.