Rama: Se kush do jetë kryeministër, e përcakton Kushtetuta dhe vullneti i popullit

Kryetari i Partisë Socialiste, Edi Rama, tha se dita e dytë e konventës së kësaj partie i kushtohet programit.

Rama tha se programi i tyre është më i detajuari që ka pasur ndonjë forcë politike në Shqipëri.

Ndërkohë, pa dyshim, në ditët në vijim do vëmë në dispozicion të qytetarëve edhe librin e programit, premtoi Rama, duke akuzuar sërish se kryeministri Sali Berisha po u kopjon programin.

Ndërkohë që ne e kemi të qartë se çdo të bëjmë që nga dita e parë e qeverisjes sonë, tha Rama.

Duke komentuar debatin e hapur se kush do jetë kryeministër nga e majta, Rama tha se kjo është një gjë shumë e thjeshtë. Sipas tij, se kush bëhet kryeministër, e përcakton Kushtetuta dhe vullneti i popullit.

Të jeni të sigurt se asnjë lloj diversioni mbi fjalime apo fjali të thëna në fushatë elektorale nuk funksionon.

Aleanca për Shqipërinë Europiane është kompakte. PS është forca udhëheqëse e kësaj aleancë, në sintoni me LSI si pjesa tjetër e boshtit strategjik.

Mos kini as merakun më të vogël se kush do jetë kryeministri pas fitores është gjëja më e thjeshtë dhe më e shpejtë për tu zgjidhur bazuar mbi atë që thotë Kushtetuta dhe vullneti i popullit, tha Rama, duke shtuar se Saliu po peshkon në tokë të thatë./ep