Rama apel votuesve të pavendosur: Përtej të majtës e të djathtës, më 11 maj t’i japim një shtysë të fortë Shqipërisë 2030 në BE

Kryeministri Edi Rama, u kërkoi të gjithë atyre qytetarëve që ende nuk kanë vendosur se për kë subjekt politik të votojnë në zgjedhjet parlamentare të 11 majit 2025, të votojnë PS-në.

Rama, për këtë thirrje, ka sjell në rrjetet sociale shembullin e një qytetari nga diaspora, i cili, sipas tij, ka dërguar disa biskota Pashkësh në formën e dorës së hapur që tregon numrin 5, ku renditet PS ne fletën e votimit.

“Voto 5 nëse s’e ke ndarë akoma mendjen, bashkohu edhe ti me këtë zgjedhës nga diaspora, që dërgoi këto biskota Pashkësh dhe të gjithë bashkë, pa dallim, t’i japim përtej të majtës e të djathtës një shtysë të fortë më 11 maj Shqipërisë 2030 në BE”, shkroi Rama në një postim në rrjetet sociale.

/rtsh.al/