Rama ironizon programin e PD-së: Sallatë fjalësh madhështore
TIRANË, 1 prill/ATSH/ Kryeministri Edi Rama, njëherësh kryetar i Partisë Socialiste, ironizoi sot me bufin e kënetës, deklaratat e kryetarit të Partisë Demokratike, Sali Berisha, ndërsa prezanton programin elektoral për ekonominë.
“Bufi, sallatë fjalësh madhështore…”, shkruan Rama, ndërsa publikoi në rrjetet sociale një video me bufë, ku dëgjohen deklaratat e kreut të PD-së Sali Berisha që flet për ulje taksash dhe ulje të ndjeshme të çmimit të energjisë dhe të naftës.
Kryeministri Rama ka ironizuar në vijimësi deklaratat e kreut të PD-së përmes bufit të kënetës, një specie sipas tij, që “konsiderohet shumë armiqësore ndaj diversitetit”.
/m.m//r.e//a.f/