Rama, perplasje me zv/rektorin per zgjedhjet
Pak ore pas incidentit me nje diplomat shqiptar ne Austri, kryetari i Partise Socialiste, Edi Rama ka shenuar nje tjeter incident ne Tirane. Gjate takimit me studentet e ekselences, i ftuar nga zevendesrektori i Universitetit te Tiranes, Rama ka deklaruar se zgjedhjet per drejtuesit e universiteteve jane manipuluar dhe jane zhvilluar nen kercenime dhe abuzime te rektoreve. Kjo deklarate nuk ka kaluar pa reagimin e zevendesrektorit, Ervin Demo, i cili ishte dhe pritesi i Rames ne kete aktivitet. Duke ju referuar deklarates se Rames per manipulime ne zgjedhjet ne universitete, Demo u shpreh se kjo eshte nje e pavertete per qarqet universitare. “Me qe u prezantova dhe si zevendesrektor edhe une jam i zgjedhur. Nuk di te kem vjedhur ndonje vote. Nese ne do te gjykojme qe zgjedhjet jane vjedhur ne universitet, atehere duhet te jene vjedhur per te tere. Nuk mund te jene vjedhur per disa dhe disa te tjere jo. Une besoj se jo”, tha Demo. Zevendesrektori i ka kerkuar kreu te PS-se te jete me i kujdesshem me termat, duke patur parasysh dhe ambientet ku i perdor ato. “Une besoj se fjala vjedhje eshte shume e rende, sidomos kur perdoret ne nje ambient akademik. Une mendoj se fjala vjedhje, ne nje ambient akademik tingellon shume me e rende sesa ne nje ambient tjeter”, tha Demo. Pas replikes se zevendesrektorit kreu i PS-se ka vazhduar te argumentoj idene e tij, duke deklaruar se ata qe mbrojne idene se zgjedhjet nuk jane vjedhur ne universitete, jane te painformuar. “Per rektorin e universitetit te Tiranes kane qene zgjedhje jo te lira dhe jo te ndershme. Kane qene zgjedhje te bera nen presion, kane qene zgjedhje te bera ne kushte ku nuk eshte garantuar pjesemarrja ne zgjedhje e gjithe subjekteve. Nese dikush me thote se ne zgjedhjet per rektorin e Universitetit te Tiranes nuk ka pasur trysni, nuk ka pasur kercenime ndaj pedagogeve dhe studenteve, thjeshte thote nje te pavertete qe mund te buroje nga mungesa e informacionit”, u shpreh kreu i PS-se, Edi Rama. Ne takimin e zhvilluar me studentet e ekselences kreu i PS-se ka folur dhe programin e opozites ne zgjedhjet e 23 qershorit. Ai u shpreh se do te perdoret nje standard i ri per akreditimin e universiteteve. Rama u shpreh se ky projekt do t’i jap fund historise se diplomave pa vlere.