Rama pret Ceferin dhe anëtarët e Komitetit Ekzekutiv të UEFA-s

TIRANË, 11 shtator /ATSH/ Kryeministri Edi Rama priti sot në kryeministri kreun e UEFA-s, Aleksandër Ceferin, presidentin e FSHF-së Armand Duka dhe anëtarë të Komitetit Ekzekutiv të UEFA-s.

Takimi u zhvillua në një atmosferë mjaft miqësore dhe vuri në pah rëndësinë e bashkëpunimit mes UEFA-s, FSHF-së dhe institucioneve shqiptare për zhvillimin e mëtejshëm të futbollit në vend.

Ky takim vjen në një kohë kur për herë të parë Komiteti Ekzekutiv i UEFA-s zhvilloi punimet këtë të enjte në Tiranë.

Presidenti Ceferin vlerësoi mikpritjen e FSHF-së dhe institucioneve shqiptare në organizimin e këtij eventi kaq historik për vendin tonë.

Gjatë zhvillimit të mbledhjes së Komitetit Ekzekutiv të UEFA-s në Tiranë, u diskutuan dhe u morën vendime të rëndësishme mbi çështje të së ardhmes së futbollit evropian.

1 nga 4

/m.q//a.f//r.e/