Raporti i DASH: Shqiperia luftoi trafikun e droges

UASHINGTON - Departamenti i Shtetit botoi dje raportin vjetor per luften kunder trafikut nderkombetar te droges. Raporti i hedh nje veshtrim vendeve kryesore te prodhimit te droges, atyre qe sherbejne si vende tranziti si dhe vendeve qe e perpunojne drogen. Zeri i Amerikes publikoi mbreme lajmin dhe u ndal ne kapitujt e raportit per Shqiperine dhe Kosoven.
Shqiperia ka bere perparim ne luften kunder droges gjate vitit 2010. Ky eshte perfundimi i pergjithshem i Departamentit te Shtetit ne raportin e tij vjetor mbi problemin e narkotikeve ne bote. Qeveria e Shqiperise, thekson raporti, u perpoq gjate vitit te kaluar te konfrontonte elementet kriminale ne luften kunder ketij problemi. Megjithe perparimin, problemi i narkotikeve vazhdon te jete nje sfide e mprehte dhe prezente ne Shqiperi, nje vend qe kryesisht sherben per tranzitin e droges nga Azia per ne tregun evropiano-perendimor. Ne analizen e tij, Departamenti i Shtetit vecon si probleme kryesore kontrollin e dobet ne portet detare ne Adriatik, te metat ne kontrollin e kufirit tokesor, masat e autoriteteve kunder droges kryesisht si rezultat i mungeses se fondeve dhe menaxhimit te dobet, por edhe si rezultat i korrupsionit qe ekziston ne radhet e punonjesve te rendit.
Raporti i Departamentit te Shtetit thekson se kontrabanda e droges mbetet nje nder aktivitetet me fitim-prurese ne Shqiperi. Vendndodhja strategjike e Shqiperise dhe problemet ne kontrollin dhe parandalimin e problemit e bejne kete nje vend terheqes ne tranzitin e droges drejt Evropes. Shqiperia, thuhet ne raport sherben si nje vend tranzit i heroines afgane dhe si vend burim i marijuanes kryesisht drejt Italise dhe Greqise. Raporti vlereson perpjekjet e vitit te kaluar per t’iu pergjigjur problemit me politika me agresive. Si rezultat i ketyre politikave, nje pjese e mire e kontrabandes qe behej permes Adriatikut ka kaluar tani ne rruge tokesore permes Kosoves dhe Malit te Zi e metej pertej Serbise. Nje problem i ri qe konstaton raporti eshte se trafikantet shqiptare duket se po marrin nje rol gjithnje e me te madh ne financimin dhe shperndarjen e heroines jashte Shqiperise, vecanerisht ne Ballkanin verior dhe Evropen Perendimore.
Pervec tranzitit, Shqiperia ka vazhduar te sherbeje edhe vitin e kaluar si prodhuese e bimes kanabis, kryesisht ne zonat e largeta malore per tregjet evropiane. Kultivimi i kesaj bime ra ndjeshem me intensifikimin e perpjekjeve te forcave te rendit si kunder trafikanteve, ashtu edhe kunder prodhuesve. Me perjashtim te kanabis sativas, prodhimi i llojeve te tjera te narkotikeve eshte i kufizuar. Gjate vitit 2010 nuk eshte konstatuar kultivim i lulekuqeve te heroines dhe nuk jane zbuluar laboratore te prodhimit te lendeve sintetike narkotike.
Raporti i Departamentit te Shtetit ndalet edhe tek problemi i varesise nga droga. Ne nje fare shkalle, si rezultat i historise se saj si vend i varfer, dhe i izoluar, perdorimi i droges brenda vendit eshte i ulet, por qeveria dhe shoqeria thuhet ne raport, jane treguar te ngadalshem per te vepruar ndaj ketij problemi te ri qe po lind. Megjithese ky eshte nje fenomen relativisht i ri per Shqiperine, problemi qendron ne mungesen e vemendjes. Shqiperia, si nje vend me probleme te shumta sociale, qe nga papunesia, ritmet e larta te krimit e mungesa e infrastruktures institucionale, nuk arrin t’u kushtoje vemendjen dhe burimet e duhura informacionit kunder droges dhe perpjekjeve per rehabilitimin e perdoruesve te droges.
Megjithe veshtiresite, raporti pohon nje numer arritjesh ne luften kunder droges. Departamenti i Shtetit vlereson faktin qe qeveria e Shqiperise ka rritur nivelin e perparesise te luftes kunder krimit te organizuar dhe droges duke u dhene forcave te rendit nje rol me te madh ne operacionet antidroge. Ambicjet e Shqiperise gjate viteve te fundit per t’u perfshire ne regjimin e levizjes pa viza ne zonen Shengen ishte nje nder faktoret qe nxiti autoritetet te zbatojne reforma te reja qe kane sjelle perparim. Por raporti nenvizon se karakteri fraksional i politikes ne Shqiperi dhe niveli i ulet i aktivitetit te shoqerise civile jane nder pengesat per nje perparim me te madh.
Ne raportin e Departamentit te Shtetit thuhet se forcimi I institucioneve qeveritare dhe masave te forcave te rendit ka dhene efekte positive, por perparimi ka qene i ngadalte. Shtetet e Bashkuara, se bashku me Bashkimin Evropian dhe partneret nderkombetare, thekson raporti, do te vazhdojne te punojne me qeverine e Shqiperise per te luftuar trafikun e droges, per te shfrytezuar ne menyre efektive ndihmen e dhene per organet e rendit dhe per te mbeshtetur reforma ligjore.