Raporti vjetor Ligjet diskutojne sot punen e KQZ-se
Komisioni i Ligjeve do te diskutoje sot raportin vjetor te Komisionit Qendror te Zgjedhjeve. Ne kete material perfshihet puna e nje viti e bere nga KQZ por dhe masat paraprake te marra prej saj lidhur me fushaten zgjedhore te 8 majit. Ne materialin qe diskutohet tek Ligjet theksohet kerkesa e KQZ per te rritur fondet e saj per rikonstruksionin e magazines ne Lunder. Kerkese e vazhdueshme e Komisionit Qendror te Zgjedhjeve ka qene venia ne dispozicion e fondeve per rikonstruksionin e njeres prej magazinave qe ndodhen ne Lunder. Ky fond nuk na eshte vene ende ne dispozicion megjithese jemi ne prag te zgjedhjeve per organet e qeverise vendore dhe kjo magazine eshte ende jashte funksionit. Mosfunksionimi i kesaj magazine krijon shume veshtiresi ne pergatitjen e bazes materiale zgjedhore - thuhet ne raportin e KQZ-se ku percaktohet ne menyre te detajuar fondi i vene ne dispozicion per vitin 2010 dhe shpenzimet e bera. Ndersa ne kuader te burimeve njerezore KQZ ka kerkuar shtese ne zerin paga dhe sigurime. Ne vazhden e negociatave per projektbuxhetin afatmesem 2011-2011 KQZ nder ceshtjet e tjera te diskutuara me grupin negociator prane Ministrise se Financave paraqiti edhe kerkesen per shtese ne zerin e pagave dhe sigurimeve ne buxhetin e vitit 2010. Kjo gje vjen si rezultat i ndryshimeve te domosdoshme qe duhen bere ne strukturen dhe organiken e institucionit por qe shoqerohen me efektet financiare dhe per kete qellim kerkohej aprovimi nga Ministria e Financave. Edhe pse kerkesa jone eshte legjitime dhe efektet financiare te saj jane minimale ne vleren 2040179 leke dhe kerkohet ndryshim ne total te punonjesve per ndryshime qe lidhen me zhvillimin e kapaciteteve funksionale te administrates ceshtja e struktures mbetet e pazgjidhur - sqaron KQZ. Komisioni Qendror i Zgjedhjeve ka shqyrtuar me detaje dhe 31 rekomandimet e OSBE/ODIHR u dhane pas zgjedhjeve te 2009-es. Ne kuader te tyre eshte hartuar nje draft ku parashikohen ndryshimet konkrete te dispozitave ligjore. Nderkohe qe raporti vjetor perfshin dhe cdo hap te marre deri tani per pergatitjen e fushates elektorale per zgjedhjet e 8 majit.