Zgjedhjet PS pro dhe kunder OSBE-se
Afrimi i zgjedhjeve lokale te 8 majit zhyt opoziten ne kaos politik. Deklaratat e krereve te opozites ndryshojne nga njera dite ne tjetren persa i perket qendrimit te tyre ndaj nderkombetareve. Tre dite me pare kreu i PS-se Edi Rama foli hapur kunder ambasadoreve duke i konsideruar si jo te drejta deklaratat publike te tyre persa i perket procesit zgjedhor. Ne te njejten linje vijoi dhe aleati i tij Spartak Ngjela. Por duket se dje PS ka pasur nevoje per nje argument per te bere sulmin e radhes ndaj Qeverise dhe per kete ka perdorur deklaraten e OSBE-se. Kryetarja e minibashkise nr. 1 Lindita Nikolla akuzoi dje Ministrine e Brendshme se po lejon ndryshimet ne listen e zgjedhjeve duke vazhduar regjistrimin ne kete liste te banoreve te rinj. Sipas saj permes kontratave fiktive te qerase po shperngulen banore nga komuna dhe qytete te tjera dhe vazhdojne te behen banore te Tiranes me pasoje votues ne zgjedhjet e 8 majit ne shkelje te plote te Kodit Zgjedhor. Kjo eshte nje tentative e paster e blerjes se votes. Per te ndaluar kete proces antiligjor beri thirrje Ambasadori i OSBE por asgje nuk ka ndryshuar - deklaroi dje Nikolla duke e lexuar pergjysme mesazhin e nderkombetareve. Pak dite me pare ambasadori i OSBE-se ne vendin tone Eugen Eumlollfarth por dhe ambasadori amerikan Aleksander Arvizu i bene thirrje politikes shqiptare qe te bashkepunoje per te siguruar nje proces zgjedhor te denje. Nderkohe ata theksuan se tashme nuk ka kohe per ndryshime ne Kodin Zgjedhor apo riformatim te KQZ-se. Ky qendrim i tyre ishte hapur kunder kushteve te vena nga socialistet lidhur me zgjedhjet lokale.