Rasmusen n Tiran, takim me Metn

Sekretari i Përgjithshëm i NATO-s, Anders Fogh Rasmussen mbërriti në Tiranë për një vizitë zyrtare me ftesë të qeverisë shqiptare.

Dita e tij në kryeqytetin shqiptar nisi me takimin me shefin e diplomacisë, Ilir Meta, me të cilin do të dalë në një konferencë për shtyp pak minuta më vonë.

Pasi mbyllen aktivitetet në Ministrinë e Jashtme, sekretari i përgjithshëm i NATO-s zhvendoset drejt Ministrisë së Mbrojtjes, ku do të ketë takim me ministrin e Mbrojtjes, Arben Imami dhe pas mesditës do të jetë në bisedime me dyer të mbyllura me kryeministrin Berisha, me të cilin do të dalë edhe në një konferencë për media.

Drejtuesi i Aleancës së Atlantikut të Veriut do të mbërrijë më pas në Kuvendin e Shqipërisë ku do të bashkëbisedojë me kryeparlamentaren Jozefina Topalli.

Vizita e Rasmussen do të përmbyllet me ndalesën e tij në Presidencë ku do të takojë kreun e shtetit, Bamir Topi.

Situata politike pas zgjedhjeve parlamentare të 28 qershorit pritet të jetë një tjetër objekt diskutimesh mes personaliteteve shqiptare dhe zyrtarin të lartë të NATO-s.

Pritet që Rasmussen të lëshojë mesazhe të forta në drejtim të klasës politike në Shqipëri me qëllim zgjidhjen sa më shpejt të ngërçit të krijuar.