Reali i Madridit thërret Florentino Perez
Humbja 4-0 me Liverpulin ka lënë pasoja në radhët e Realit të Madridit. "Merengues" u eliminuan në 1/8 e Ligës së Kampioneve për të pestën herë radhazi, duke u detyruar të heqin dorë nga ëndrra për trofeun e dhjetë në aktivitetin prestigjioz. Pesë presidentë të ndryshëm dhe 7 trajnerë nuk kanë mjaftuar për të ndryshuar ecurinë negative në Evropë. Ata nuk arrijnë të kualifikohen në çerekfinalet e Champions-it që prej 9 marsit 2005, kur u eliminuan nga Juventusi. Në vitin 2006, spanjollët u nënshtruan nga Arsenali, ndërsa pas "topçinjve" erdhën humbjet me Bajernin e Mynihut, Romën dhe tashmë me Liverpulin. Pas këtyre zhgënjimeve, të gjithë kërkojnë rikthimin në krye të Realit të "shpëtimtarit" Fiorentino Perez. Për koincidencë, triumfet e skuadrës në kontinent kanë përfunduar me largimin e njeriut që ndërtoi "Galaktikët". Perez shihet si i vetmi që mund të rikthejë klubin në ditët e lavdishme, edhe sepse finalja e vitit të ardhshëm luhet në "Santiago Bernabeu".
Shpartallimi në "Anfilld Roud" është komentuar gjatë nga mediat iberike. Për të përditshmen katalane "Sport": "Në ‘Anfilld‘, ora 22:30, Madridi ka ‘vdekur‘ për të pestën herë radhazi në 1/8 e Ligës së Kampioneve. Presidenti i klubit, drejtuesit, trajneri, lojtarët dhe tifozët qajnë për humbjen më të thellë të pësuar në këtë aktivitet". Titujt e gazetave të tjera vërtiteshin rreth fjalës "chorreo" (shkatërrim, fitore e thjeshtë), të përdorur nga kreu i klubit, Visente Boluda, përpara ndeshjes së parë me skuadrën e Rafa Benitez (të humbur 1-0 në Madrid). Zhgënjimi ishte i dukshëm në faqen e parë të "Marca"-s: "Benitez na dha një leksion taktik, teknik dhe fizik. Liverpuli turpëron Realin nga minuta e parë deri në të 93-ën. Torres dhe Xherard, të jashtëzakonshëm. San Iker ka evituar humbjen 8-0". Në kolonat e gazetës madrilene publikoheshin edhe citimet e Predrag Mijatoviç, që deklaronte: "Kërkoj falje për këtë humbje". Por, fjalët e tij duket se nuk janë marrë parasysh, pasi tashmë drejtori sportiv duket fare pranë largimit nga detyra. Sipas "As": "Kasiljas nuk e meritonte diçka të tillë", duke kërkuar "ndryshime dhe rinovim të skuadrës në të ardhmen". Në faqen e dytë të kësaj gazete kërkohej: "Largojini të gjithë, përveç Ikerit (Kasiljas) dhe Lasana Diarrasë". "Pas ndeshjes në ‘Anfilld‘ nevojitet katarsis", theksonte "Abc".
Shpartallimi në "Anfilld Roud" është komentuar gjatë nga mediat iberike. Për të përditshmen katalane "Sport": "Në ‘Anfilld‘, ora 22:30, Madridi ka ‘vdekur‘ për të pestën herë radhazi në 1/8 e Ligës së Kampioneve. Presidenti i klubit, drejtuesit, trajneri, lojtarët dhe tifozët qajnë për humbjen më të thellë të pësuar në këtë aktivitet". Titujt e gazetave të tjera vërtiteshin rreth fjalës "chorreo" (shkatërrim, fitore e thjeshtë), të përdorur nga kreu i klubit, Visente Boluda, përpara ndeshjes së parë me skuadrën e Rafa Benitez (të humbur 1-0 në Madrid). Zhgënjimi ishte i dukshëm në faqen e parë të "Marca"-s: "Benitez na dha një leksion taktik, teknik dhe fizik. Liverpuli turpëron Realin nga minuta e parë deri në të 93-ën. Torres dhe Xherard, të jashtëzakonshëm. San Iker ka evituar humbjen 8-0". Në kolonat e gazetës madrilene publikoheshin edhe citimet e Predrag Mijatoviç, që deklaronte: "Kërkoj falje për këtë humbje". Por, fjalët e tij duket se nuk janë marrë parasysh, pasi tashmë drejtori sportiv duket fare pranë largimit nga detyra. Sipas "As": "Kasiljas nuk e meritonte diçka të tillë", duke kërkuar "ndryshime dhe rinovim të skuadrës në të ardhmen". Në faqen e dytë të kësaj gazete kërkohej: "Largojini të gjithë, përveç Ikerit (Kasiljas) dhe Lasana Diarrasë". "Pas ndeshjes në ‘Anfilld‘ nevojitet katarsis", theksonte "Abc".