Reali “piketon” goditjen e radhës në merkato, synohet mbrojtësi i Arsenalit

Objektivi i Realit të Madridit në këtë sesion të merkatos është një mbrojtës. Klubi i kryeqytetit spanjoll po kërkon një lojtar për të forcuar prapavijën dhe për të ndihmuar Xabi Alonson sezonin e ardhshëm.

Presidenti Florentino Perez ka disa emra në listën e tij, por sipas të përditshmes L’Equipe, “Blancos” i kanë vënë syrin William Saliba të Arsenalit.

Mbrojtësi francez ka qenë te Arsenali që nga viti 2020. “Topçinjtë” e dërguan fillimisht në huazim te Nice dhe Olympique Marseille përpara se ta merrnin përgjithmonë për sezonin 2022-2023. Ai tani është titullar i rregullt, pasi ka luajtur 51 ndeshje në kompeticione të ndryshme sezonin e kaluar, duke shënuar gjithashtu dy gola në Premier League.