Reforma, Kodi miratohet te enjten

Kodi i ri zgjedhor do te votohet ne Kuvend diten e enjte, ne 13 nentor. Me ne fund, duket se partite politike arriten te respektojne nje afat te vene per reformen zgjedhore, ndonese prej nje viti premtuan se do ta perfundojne. Bashkekryetari i Komisionit te Posacem te Reformes Zgjedhore, Fatmir Xhafaj, tha dje pas mbledhjes se komisionit, se Kodi i ri eshte thuajse i perfunduar. Ne mbledhjen e djeshme, me konsensus, anetaret arriten te miratojne dhe nje prej kapitujve te fundit te Kodit, sic eshte procesi i ankimimit te rezultatit te zgjedhjeve. "U diskutua per ceshtjen e ankimimeve zgjedhore, per te cilen u vendos qe te ruhet niveli i dy shkalleve dhe modeli qe ka ekzistuar deri me sot, pra gjykimi ne Kolegjin Zgjedhor", sqaroi Xhafaj. Anetaret vleresuan, se sistemi aktual eshte i sakte dhe i pranueshem. Me konkretisht, nese ndonje force politike, koalicion apo kandidat i pavarur, nuk pajtohet me rezultatin e zgjedhjeve dhe pretendon se ai eshte i manipuluar, mund ta ankimoje ate ne Komisionin Qendror te Zgjedhjeve. Nese ky komision ua rrezon pretendimin, atehere hallka e dyte eshte ajo e Kolegjit Zgjedhor ne Gjykaten e Apelit, ku partite, koalicionet apo kandidatet e pavarur, mund te ankimojne, vendimin e dhene nga KQZ per rezultatin e ankesen e tyre. "Eshte lene nje mbledhje e fundit diten e enjte, per te bere edhe miratimin teresor te Kodit Elektoral", theksoi Xhafaj per kete ceshtje, optimist per arritjen e afateve kohore. Komisioni do te mblidhet serish gjate ketyre dy diteve, per t'i dhene doren disa ceshtjeve teknike sic eshte ajo e penalizimeve, ne rast shkeljes. Per te miratuar perfundimisht diten e enjte materialin e plote. Kete here forcat politike arriten te zbatojne dhe rekomandimin e OSBE/ODIHR, qe kerkoi qe Kodi i ri Zgjedhor, te jete gati minimalisht brenda mesit te muajit nentor, si e vetmja menyre qe ligji i ri te njihet dhe zbatohet si duhet. Keshtu theksohet dhe ne ligj, qe Kodi duhet te jete gati gjashte muajve para zgjedhjeve, ne menyre qe te jete efektiv dhe i zbatueshem. Gjate tere ketij viti, partite politike kane premtuar vazhdimisht mbylljen e reformes, por nuk ia dolen.

Fillimisht pretendohej se Kodi i ri Zgjedhor do te ishte gati ne korrik te ketij viti, me pas ne shtator, e afati i fundit u la ne tetor. Pas tere ketyre shkeljeve te afateve kohore, Kuvendi vendosi te shtyje ne 14 nentor afatin per partite politike, qe te mbyllin reformen zgjedhore dhe hartimin e amendamenteve te nevojshme ligjore per ruajtjen e standardeve ne zgjedhje. R. Rapushi