Tragjedia, PS braktis seancen
Opozita braktis sallen e Kuvendit, teksa perplasja per tragjedine e Gjirokastres, eshte kthyer ne debat me fjalor teper te ulet. Nderkohe qe deputetet kerkojne doreheqjen e kryetarit te bashkise se Gjirokaster, Flamur Bime, per tragjedine e shembjes se pallatit ne kete qytet, qe i mori jeten 3 personave. Edhe pse premtuan se nuk do e politizojne ngjarjen, ne seancen e djeshme plenare, deputetet e gjithe forcave politike akuzuan qeverisjen vendore dhe ate qendrore si pergjegjes se tragjedise. Madje seanca u mbyll, pasi opozita braktisi mbledhjen si pasoje e degjenerimit te debatit ne fyerje e akuza te ndersjellta. "Ngjarja eshte pergjegjshmeri e pushtetit, atyre qe japin leje te tilla ndertimi, bazuar ne korrupsion", tha ministri i Transporteve Sokol Olldashi. Duke akuzuar direkt kryebashkiakun Edi Rama, per korrupsion ne dhenien e lejeve te ndertimit, Olldashi tha se te gjithe nepunesit vendore po marrin shembullin e tij. "Nis nga Tirana e me pas vijon ne cdo vend tjeter, ku qeverisin socialistet, qe ne menyre kriminale e abuzive, jepen lejet e ndertimit. Njerezit po vdesin nga abuzimi i paturpshem me pushtetin", akuzoi Olldashi. Nga ana tjeter, deputetet socialiste, bene pergjegjes qeverine, e cila nuk zbaton ligjet ne fuqi. Kryetarja e grupit socialist, Valentina Leskaj, tha se qeveria duhet te rishikoje fondin per emergjencat civile, per t'ju gjendur me prane banoreve ne tragjedi te tilla. Ndersa socialisti, Petro Koci tha se tragjedia provoi se ne funksion eshte nje shtet i shkermoqur, pa standarde minimale jetese e sigurie. "Ka ligje ne fuqi per ndertimet, legalizimet e te gjithe etapat, e nuk zbatohen. Keshtu si po ecet, larg o zot do te kemi tragjedi te tjera", u shpreh Klosi. Sipas tij, deklaratat e kryeministrit per te zhveshur nga kompetenca bashkite, qe te mos japin leje ndertimi, nuk jane gje tjeter vecse tendenca per te kontrolluar edhe kete pushtet. "Berisha kerkon ta monopolizoje dhenien e lejeve te ndertimit", u shpreh Klosi. Perpos hedhjes se fajit njeri-tjetrit, deputetet u bashkuan ne mendimin se per kete ceshtje, kryetari i bashkise se Gjirokastres, Flamur Bime, duhet te jape doreheqjen. Nenkryetari i grupit socialist, Erion Brace tha se pergjegjesi penale duhet te mbajne te gjithe ata qe kane shkelur ligjin ne kete rast. Po keshtu u shpreh dhe Kastriot Islami. Ndersa deputeti Petro Koci, duke qene pro doreheqjes se Bimes, shtoi se largim nga detyra, duhet te kete dhe per kryeministrin Sali Berisha. Sipas tij, edhe Berisha duhet te largohet menjehere pasi politika e tij e korrupsionit po shkakton te tilla situata, perfshire dhe tragjedine e Gerdecit. "Eshte i njejti korrupsion PD-PS qe po vijon", tha Koci. Pas debateve, opozita braktisi sallen ne shenje proteste te fjaleve fyese qe u perdoren ne Kuvend, duke kerkuar ndeshkim per autoret e tyre. Rozeta Rapushi