Reforma në drejtësi, Nishani takon krerët e institucioneve
Reforma në sistemin gjyqësor pritet të mbledhë ditën e hënë në një tryezë të rrumbullakët një sërë drejtuesish të institucioneve kryesore, pjesë përbërëse të sistemit të drejtësisë, me ftesë të kreut të shtetit, Bujar Nishani.
Zyra e shtypit e Presidencës bën të ditur se, në këtë tryezë do të diskutohet mbi reformën në sistemin gjyqësor, si dhe mbi sfidat që burojnë nga rekomandimet në Progresin-Raportin e BE-së për Shqipërinë për vitin 2012.
Ndërkohë, javën e kaluar presidenti Nishani zhvilloi takime me përfaqësuesit e partive politike parlamentare për caktimin e datës së zgjedhjeve të ardhshme, takime gjatë të cilave u diskutua si më konsensuale nga të gjitha forcat politike pjesëmarrëse në bisedime data 23 qershor, megjithatë kjo datë ende nuk është dekretuar nga kreu i shtetit.
11 nëntor 2012 (gazeta-Shqip.com)
Reforma në drejtësi, Nishani takon krerët e institucioneve burimi: Gazeta S H Q I P Gazeta Shqip