Reperët shqiptarë me linjat e tyre të veshjeve

Jeta Berisha

Ashtu si në shumë vende të botës ku VIP kanë linjat e tyre të veshjeve , për herë të parë një gjë e tillë do të jetë e mundur edhe në Kosovë, falë kompanisë Folkan Shqip.

Kompania Folkan Shqip, e cila merret me prodhimin e bluzave unike me karaktere dhe simbole kombëtare-shqiptare, këtë herë vjen me një tjetër projekt të ri të quajtur FolkanTEKS.

FolkanTEKS për herë të parë ne trojet shqiptare pritet të lansoi koleksionet e artistëve të estradës shqiptare. Kjo kompani do të udhëheqë të gjithë procesin duke filluar nga dizajni, shtypi, prodhimet dhe hedhja në treg e këtyre produkteve.

Duke arritur një marrëveshje të tillë do të hidhen në treg koleksionet zyrtare të labelit Athentic ( 2po2 & Capital T ), të këngëtarit me të famshëm shqiptar UNIKATIL, reperit nga lugina e Preshevës Gold-Ag si dhe të rap –labelit pejan Ham Squad.

Këto produkte do të jenë prodhim 100% vendor, dizajnet do të jenë kryesisht me vargje nga këngët e këngtarëve, tipografi të ndryshme, dizajne grafike të dukjes së tyre etj.

Këto koleksione do të dalin në shitje shum shpejtë në webfaqen e kësaj kompanie./Indeksonline/