Reshje shiu dhe erë në Qarkun Shkodër, akset rrugore kryesisht të kalueshme

Situata në Qarkun Shkodër paraqitet përgjithësisht e qëndrueshme në orët e para të mëngjesit të datës 4 janar 2026. Pavarësisht reshjeve të shiut dhe erërave në disa bashki, nuk raportohen problematika madhore, ndërsa akset rrugore janë kryesisht të kalueshme. Strukturat përgjegjëse dhe grupet e punës ndodhen në terren për menaxhimin e situatës, veçanërisht në zonat malore dhe në segmentet ku kërkohet ndërhyrje.

Bashkia Shkodër

Në territorin e bashkisë Shkodër nuk evidentohen problematika përveç rrugës së Prekalit dhe Kirit, ku grupet e punës janë në terren duke punuar për zgjidhjen.

Aksi Bogë–Theth është i kalueshëm. Mjetet duhet të jenë të pajisur me goma dimërore, nëse udhëtojnë drejt destinacioneve malore.

Bashkia Malësi e Madhe

Në territorin e kësaj bashkie vijojne reshjet e shiut me të shoqëruara me erë.

Ka probleme me furnizimin me energji elektrike në fidrat Zagorë, Vrakë dhe Kelmend.

Ekipet janë në terren dhe po punojnë për riparimin e defekteve.

Bashkia Fushë-Arrëz

Vijojnë reshjet e shiut të shoqëruara me erë të fortë, por pa problematika të evidentuara.

 Bashkia Vau Dejës

Vijojnë reshjet shiut me intensitet të ulët.

Situata paraqitet pa probleme në të gjitha njësitë administrative.

Bashkia Pukë

Vijojnë reshjet e shiut të shoqëruara me erë të fortë, por pa problematika të evidentuara.

 Akset rrugore

Aksi Koplik–Bogë dhe Dedaj–Razëm: Gjatë natës dhe në orët e mëngjesit ka pasur reshje shiu. Qarkullimi kryhet normalisht, pa problematika. Mjetet duhet të jenë të pajisura me goma dimërore.

Aksi Bogë–Theth, Kryesisht në zonën e Qafë Thores gjatë natës janë regjistruar reshje të lehta dëbore. Qarkullimi kryhet me goma dimërore.

Borëpastrueset dhe punonjësit janë në terren.

Aksi Tamarë–Vermosh, rruga është e kalueshme pa probleme. Ka prezencë gurësh në disa segmente, ndërsa borëpastrueset dhe punonjësit janë në terren dhe po vijojnë pastrimin.

DRV Shkodër

Sipas informacioneve nga kontraktorët e mirëmbajtjes së akseve nën administrimin e DRV Shkodër, nuk raportohen probleme me qarkullimin rrugor.

Druk Lezhë

Nga 65 mm reshje shiu në 24 orë, nuk ka probleme në kanalet kulluese, argjinatura, dhe Digën e Rezervuarit të Shkodrës.

Nivelet e lumenjve Buna, Drin, Kir, Gjadër, Rezervuari i Shkodrës dhe prurjet në përrenjt kryesorë janë nën kuotat e rrezikut për përmbytje.

Hidrovorët e Velipojës (Vilun dhe Ças) janë në gatishmëri për punë me kapacitet të plotë.