Respektojne premtimet
Ergys GJENCAJ
Mazhoranca dhe opozita kane respektuar premtimin per nisjen e reformes ne sistemin e drejtesise. Deputete te mazhorances dhe opozites jane ulur diten e djeshme per te filluar punen per nderhyrjet ne legjislacionin perkates, i cili per hir te se vertetes ka sjelle jo pak probleme. Pak dite me pare, perfaqesues te larte te Partise Demokratike dhe asaj Socialiste kane zhvilluar nje takim informal, ku i dhane fjalen njeri-tjetrit per t'u ulur ne tavolinen e punes se Komisionit parlamentar te Ceshtjeve Ligjore ne funksion te reformes ne drejtesi. Ky premtim u zyrtarizua po ate dite ne mbledhjen e Konferences se Kryetareve, zhvilluar pak minuta pas perfundimit te takimit ne fjale. Pas kesaj mbledhjeje, kreret e dy grupeve me te medha parlamentare thane fjalen e tyre, se produkti ishte pozitiv. Packa se u shprehen te kenaqur mbi renien dakord per nisjen e reformes ne komisionin pergjegjes parlamentar, gjithcka do te shihet ne periudhen ne vijim, nese premtimi do te realizohet, apo do te mbetet thjesht dhe vetem nje deshire e momentit dhe e mbetur e regjistruar ne pamjet televizive apo shtypur ne faqet e gazetave. Institucionalizimi i nisjes se reformes, me nisjen e diskutimit te projektligjit te paraqitur nga qeveria, "Per organizimin e pushtetit gjyqesor ne Republiken e Shqiperise", dje ne Komisionin parlamentar te Ceshtjeve Ligjore le shprese se dicka do te behet. Gjate mbledhjes se djeshme te Komisionit te Ligjeve, palet u shprehen deshireplota per kryerjen e detyres. Perfundimi i reformes ne sistemin e drejtesise shihet si nje moment tejet deciziv per mbare politiken shqiptare. Mazhoranca dhe opozita kane detyren ose detyrimin per te degjuar njera-tjetren dhe dhene konsensus per ato pika te cilat do te perbejne thelbin e reformes. Drejtesia shqiptare, e semure rende prej vitesh nga ndikimi i politikes dhe korrupsionit te madh, duhet me patjeter te vihet ne udhe te mbare. Kjo jo vetem si domosdoshmeri per shtetasit shqiptare, por edhe kerkese e nderkombetareve. Reforma ne drejtesi, si dhe ajo elektorale, jane kushtet thelbesore te vendosura per integrimin e vendit ne strukturat euroatlantike. Keshtu qe samiti i NATO-s ne prill te ketij viti, ne Bukuresht, duhet ta gjeje vendin tone te pergatitur. Por, nga ana tjeter, kryerja e kesaj reforme eshte dhe duhet te jete edhe nje shembull per shtetin me te ri te pritshem, Kosoven. Parlamenti i Kosoves sapo eshte konstituuar pas zgjedhjeve te fundit parlamentare, mbajtur ne dhjetorin e kaluar. Po ashtu, ditet e fundit Fatmir Sejdiu eshte rizgjedhur ne postin e Presidentit dhe Hashim Thaci ne ate te kreut te qeverise. Pra, politika shqiptare, e cila dha nje shenje te mire diten e djeshme me nisjen e reformes ne drejtesi, ka perpara nje detyre te madhe.