Revolta me barrikada ne rruge asnje sinjal per vazhdimin
Rruget e Shqiperise kane qene te gjitha te lira dje duke i dhene frymemarrje edhe turizmit te hershem ne qytetet bregdetare. Kreret e degeve te Partise Socialiste ne rrethe kane konfirmuar dje se pas nderprerjes ne fundjave protestat do te vazhdojne por nuk japin dot pergjigje nese do te kete perseri bllokim rrugesh nese keto protesta do te zhvillohen neper qytete apo do te kete grumbullime te militanteve ne Tirane.
Nje drejtues i PS-se ne Jug te vendit i tha dje gazetes Shqip se do te kete perseri bllokim rrugesh kete jave por vendi i grumbullimit do te mbahet i fshehte deri ne momentin e fundit.
Ne Elbasan kreret lokale te Partise Socialiste zhvilluan nje mbledhje dje ne mbremje vone ku u tha se do te diskutohej per strategjine e ardhme te protestave ne mbrojtje te votes se lire. Por pas kesaj mbledhjeje nuk u njoftua per ndonje veprim te afert.
Protestat e socialisteve ne disa rrethe te vendit filluan menjehere pas vendimit me kater vota te Komisionit Qendror te Zgjedhjeve per te shqyrtuar votat e hedhura ne kutite e gabuara gjate zgjedhjeve per kryetarin e Bashkise se Tiranes. Ne diten e pare te protestes qindra socialiste bllokuan rruget nacionale ne Gjirokaster Tepelene Vlore Fier Berat Pogradec Kavaje Durres Kruje e Milot. Ne diten e dyte ketyre qyteteve iu shtuan edhe Elbasani e Saranda ndersa ne te gjithe vendin numri i protestuesve u shtua ashtu si edhe ne Tirane perpara Komisionit Qendror te Zgjedhjeve.
Nuk mund te thuhet nese ishte produkt i ketij presioni fakti qe dy dite me pare faktori nderkombetar perfshire edhe misionin e OSBE/ODIHR-it u shfaqen me nje qendrim qe ne menyre diplomatike perkrahte reagimin e socialisteve. Takimet e ambasadoreve te rendesishem perendimore me Edi Ramen dhe raporti kritik ndaj KQZ-se i OSBE/ODIHR-it u pasuan me uljen e toneve ne fjalimet e socialisteve dhe me nderprerjen e protestave ne rrethe. Edhe Kryeministri Berisha shfaqi dje nje qendrim te bute ndaj protestave me bllokim rrugesh ne disa rrethe duke dhene sinjalet e zbutjes se tensionit politik.
Situata e sotme ne rruget e vendit do te tregoje nese shtensionimi i situates mes lidereve ne Tirane eshte i vertete apo thjesht nje iluzion.