Riaktivizohet vatra e zjarrit në Bjeshkën e Shishtavecit

Si pasojë e erës së fortë është riaktivizuar vatra e zjarrit në Bjeshkën e Shishtavecit afër Gurit të Mëngjesit. Nga vendngjarja raportohet se kanë mbërritur menjëherë forcat e policisë, kryetari i fshatit Shishtavec, kryetari i njësisë administrative, drejtori i shkollës dhe dhjetëra banorë të zonës të cilët po neutralizojnë vatrat e zjarrit.

Dyshimet e para janë për zjarrvënie të qëllimshme nga barinjtë e zonës që kullosin bagëtitë duke djegur dëllinjat që janë problem për kullotat dhe për pasoj u ka dal situata jashtë kontrollit.

Ndërkaq policia ka nisur inspektimin në këtë zonë për të identifikuar dhe kapur autorët përgjegjës për ti çuar më pas përpara drejtësisë.

RTSH