Rregullorja, kritere te reja per ndertimet ne qytet

Te gjitha ndertimet e reja, qe do te behen brenda qendres historike te qytetit te Durresit, duhet t’i nenshtrohen rregullores se re urbanistike. Kjo rregullore, e cila ka marre edhe miratimin e KRRTRSH-se percakton rregullat e reja si dhe arkitekturen qe do te zbatohet per keto ndertime. Jane rreth 115 hektare toke, ku perfshihet qendra e qytetit, pjesa bregdetare dhe kodrinore ne perendim dhe ne veri te tij, si dhe gjithe hapesira nga Mauzoleu i Deshmoreve deri ne stacionin hekurudhor, te cilat jane perfshire ne kete studim. Ne kete siperfaqe parashikohet ndertimi i objekteve te uleta dhe krijimi i hapesirave publike ne sherbim te qytetareve. Ajo eshte mbeshtetur jo vetem ne legjislacionin e meparshem, por edhe ne studimet e shumta te kryera nga misionet arkeologjike vendase dhe te huaja, te cilat kane paraqitur edhe harten e monumenteve te mundshme ne nentoken e qytetit antik.
Burime zyrtare nga bashkia e qytetit bregdetar, theksuan dje “pas studimit te kryer nje vit me pare nga Fakulteti i Arkitektures ne Universitetin e Peskares (Itali), si dhe aprovimit te saj nga KRRTRSH, institucionet pergjegjese lokale kane ne dore nje instrument te rendesishem ligjor”. Nga ana tjeter, specialistet e bashkise mesohet se pergatisin projektin e nje rruge paralele me rrugen “Skenderbeu”, e cila do te lehtesoje hyrjen e automjeteve ne qytetin bregdetar. Nje projekt tjeter i kushtohet ndertimit paralel me rrugen e re te plazhit te nje rruge te re, qe do te realizohet mbi kanalin e ujerave te larta ne zone Ura e Dajlanit-Plepa. Nderkohe pritet qe brenda vitit te ardhshem, te pergatitet edhe master-plani i zhvillimit te qytetit. Realizimi i ketij master-plani do te behet i mundur me financimin e Bankes Boterore, cka do te plotesoje krijimin e nje baze legjislative dhe dokumentare per te ardhmen e qytetit ne te gjithe territorin e tij.