Rrëzimi i qeverisë, BE: Mali i Zi ka nevojë për një qeveri vërtet pro-BE! Të gatshëm ta ndihmojmë

“Mali i Zi ka nevojë për një qeveri vërtet pro-evropiane që mund t’i japë përparësi reformave strategjike të Bashkimit Evropian”. Kështu është shprehur kryetari i delegacionit të Parlamentit Evropian për bashkëpunim me Malin e Zi, Vladimir Bilçik, pas rrëzimit të qeverisë në Malin e Zi.

Në një postim në Twitter Bilçik shpreh gatishmëri për të ndihmuar Malin e Zi drejt BE.

“Pas votimit të mosbesimit të mbrëmshëm, Mali i Zi ka nevojë për një qeveri vërtet pro-BE, e cila mund t’i japë përparësi reformave strategjike të BE-së mbi interesat e ngushta politike. Ne jemi të gatshme të ndihmojmë” ,shkruan ai.

/rtsh.al/